قازاقستان • 14 شىلدە، 2020

قالالىق اۆتوبۋس تاسىمالدارىن دامىتۋ جونىندەگى كەشەندى شارالار ازىرلەندى

27 رەت كورسەتىلدى

قر يندۋستريا جانە ينفراقۇرىلىمدىق دامۋ مينيسترلىگىنىڭ كولىك كوميتەتىنىڭ اقپاراتى بويىنشا اۆتوموبيل كولىگىمەن جۇك تاسىمالداۋ كولەمى شامامەن وتكەن جىلدىڭ دەڭگەيىندە ساقتالىپ وتىر. (2020 ج. – 1،43 ملرد. توننا، 2019 ج. – 1،5 ملرد. توننا).

وتاندىق اۆتو تاسىمالداۋشىلاردىڭ حالىقارالىق جۇك تاسىمالداۋ نارىعىنداعى ۇستانىمىن نىعايتۋ ماقساتىندا ساتىپ الىناتىن ەرشىكتى تارتقىشتاردى كادەگە جاراتۋ الىمىنان جانە العاشقى تىركەۋ الىمىنان بوساتۋ جونىندە شەشىم قابىلداندى.

سونداي-اق، قالالىق اۆتوبۋس تاسىمالدارىن دامىتۋ بويىنشا شارالار كەشەنى ازىرلەندى. ونى ىسكە اسىرۋ سالاداعى پروبلەمالىق ماسەلەلەردى شەشۋگە، سونداي-اق كورسەتىلەتىن قىزمەت ساپاسىن ارتتىرۋعا مۇمكىندىك بەرەدى.

سونىمەن قاتار:

- ەاەو كولىك دالىزدەرى جۇيەلەرىمەن ىقپالداستىرىلعان كولىك قۇجاتتارىن باسقارۋ جۇيەلەرىن تسيفرلاندىرۋ;

- حالىقارالىق جۇك تاسىمالى ءۇشىن رۇقسات بەرۋ جۇيەسى راسىمدەرىن اۆتوماتتاندىرۋ;

- ەلىمىزدىڭ اۆتوبۋس پاركىن جاڭارتۋ سياقتى جۇمىستار جالعاسادى.

ەسكە سالا كەتەيىك، كورونوۆيرۋستىق ينفەكتسيانىڭ تارالۋىن بولدىرماۋ ماقساتىندا 2020 جىلدىڭ 5-19 شىلدە ارالىعىندا وبلىسارالىق جانە قالاارالىق اۆتوبۋستاردىڭ ءجۇرۋى توقتاتىلدى.

كارانتين ەنگىزىلگەن ساتتەن باستاپ قحر، رەسەي، قىرعىزستان، وزبەكستان جانە مونعوليا اۆتوكولىكتەرىنىڭ بارلىق تۇرلەرىمەن جولاۋشىلار مەن باگاجدى ەكى جاقتى تاسىمالداۋ، ونىڭ ىشىندە 117 تۇراقتى باعىت، سونداي-اق ترانزيتتىك جولاۋشىلار تاسىمالى توقتاتىلدى.

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار