قۇرىلىسى ءبىر جارىم ايدا اياقتالعان ۇيلەردىڭ ولشەمى 11ح11 مەتردى قۇرايدى.
ال اۋماعى 112.36 شارشى مەتر. سونىمەن قاتار, قابىرعاسى گازابلوكتان, شاتىرى پروفناستيلدەن سالىنعان. بۇدان بولەك, ىشكى جانە سىرتقى ارلەۋ جۇمىستارى دا جۇرگىزىلدى. ۇيلەردىڭ قۇرىلىسىن "Bi Group" كومپانياسى ءوز قارجىسى ەسەبىنەن جۇرگىزدى.
باسپانا يەلەرىن جاڭا قونىسىمەن قۇتتىقتاعان قالا باسشىسى اتالمىش قۇرىلىس مەكەمەسىنە العىسىن جەتكىزدى.
سونىمەن قاتار ەلتاي تۇرعىن الابىن قايتا قالپىنا كەلتىرۋ جۇمىستارىمەن تانىسقان قالا اكىمى ورتاشا جوندەۋدەن وتكەن باۋباقشا مەن ءنۇرسات كوشەلەرىن ارالاپ كوردى.
جالپى تۇرعىن الاپتا 5,5 شاقىرىمدى قۇرايتىن 3 كوشە مەن 1 كوپىرگە ورتاشا جوندەۋ جۇمىستارى جۇرگىزىلۋدە. بۇل جۇمىستارعا بيۋدجەتتەن 186,5 ملن. تەڭگە قارجى قارالعان.
