ۇكىمەت • 14 شىلدە، 2020

ەلەكتروندى ەڭبەك بيرجا ارقىلى 281 مىڭعا جۋىق قازاقستاندىق جۇمىسقا ورنالاستى

23 رەت كورسەتىلدى

ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ پرەمەر-مينيستر اسقار ءمامينننىڭ توراعالىعىمەن وتكەن ۇكىمەت وتىرىسىندا الەۋمەتتىك-ەڭبەك سالاسىنداعى پرەزيدەنت تاپسىرمالارىن ىسكە اسىرۋ تۋرالى باياندادى. بۇل تۋرالى پرەمەر-ءمينيستردىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

مەملەكەت باسشىسى ق.توقاەۆ ۇكىمەتتىڭ كەڭەيتىلگەن وتىرىسىندا تۇراقتى جۇمىس ورىندارىن ۇلعايتۋ قاجەتتىگىن ايتتى.

بۇل تۇرعىدا ەحاقم "جۇمىسپەن قامتۋ جول كارتاسى" مەن باسقا دا مەملەكەتتىك باعدارلامالاردى قۇرۋ الەۋەتىن قايتا قاراۋدى ۇسىنادى. ب.نۇرىمبەتوۆتىڭ ايتۋىنشا، "جۇمىسپەن قامتۋدىڭ جول كارتاسى" بويىنشا جەرگىلىكتى اتقارۋشى ورگاندار 53 ملرد تەڭگە ۇنەمدەگەن.

سول قاراجاتتى:

  • تۇراقتى جۇمىس ورىندارىن قۇراتىن جاڭا جوبالارعا باعىتتاۋ;
  • شاعىن جانە ورتا بيزنەسكە، تۇراقتى جۇمىس ورىندارىن قۇرۋ ماقساتىندا، شاعىن وندىرىستەر قۇرۋ ءۇشىن نەسيەلەۋگە پايدالانۋ ۇسىنىلادى.

ب. نۇرىمبەتوۆ مەملەكەتتىك باعدارلامالاردا جۇمىس ورىندارىن قۇرۋ بويىنشا ساپالىق جانە ساندىق كورسەتكىشتەردى قايتا قاراۋ قاجەتتىگىن اتاپ ءوتتى. ۇلتتىق ەكونوميكا مينيسترلىگى جانە ورتالىق مەملەكەتتىك ورگاندارعا جەرگىلىكتى اتقارۋشى ورگاندارمەن بىرلەسىپ ءبىر اپتا مەرزىمدە قر ەحاقم-گە مەملەكەتتىك باعدارلامالار شەڭبەرىندە وڭىرلەردە جۇمىس ورىندارىن قۇرۋدىڭ جاڭا كورسەتكىشتەرى بويىنشا ۇسىنىستار ەنگىزۋ تاپسىرىلدى.

سونىمەن قاتار ۇكىمەتتىڭ كەڭەيتىلگەن وتىرىسىندا ق.توقاەۆ بىرىڭعاي الەۋمەتتىك تولەمدى العاش رەت تولەگەن ادامداردى تابىستى جۇمىسپەن قامتۋدى جانە "ەلەكتروندى ەڭبەك بيرجاسىن" بىرىڭعاي پورتال ەتۋدى تاپسىردى.

"توتەنشە جاعداي كەزىندە بىرىڭعاي الەۋمەتتىك تولەمدى العاش رەت تولگەن 1 ملن 338 مىڭ ادام "ەنبەك نارىعى" اۆتوماتتاندىرىلعان اقپاراتتىق جۇيەسىنە ەنگىزىلدى، جۇمىسپەن قامتۋ ورتالىقتارى ءتيىستى جۇمىستاردى اتقارۋدا. بۇگىنگە 68 949 ادام جۇمىسپەن قامتۋ باعدارلاماسىنا قاتىسۋعا نيەت ءبىلدىرىپ، 30 325 ادام جۇمىسپەن قامتىلدى"، دەدى مينيستر.

"ەلەكتروندى ەڭبەك بيرجاسى" ءساتتى جۇمىس ىستەۋدە. وسى جىلدىڭ وزىندە 281 مىڭ ادام ەلەكتروندىق ەڭبەك بيرجاسى ارقىلى جۇمىسقا ورنالاستى.

قورىتىندىلاي كەلە، ب.نۇرىمبەتوۆ ەڭبەك جانە حالىقتى الەۋمەتتىك قورعاۋ مينيسترلىگى ەلەكتروندىق ەڭبەك بيرجاسىن جەتىلدىرۋ شارالارىن، ونىڭ ىشىندە ەلەكتروندىق پرواكتيۆتى تۇردە قىزمەت كورسەتۋ تەتىكتەرى، ونلاين-قىزمەتتەر، ەلەكتروندىق ەڭبەك شارتتارىن تىركەۋ، جاڭا ماماندىقتار اتلاسىن ەنگىزۋ جانە تاعى باسقا قۇرالداردى جەدەل ەنگىزۋ جۇمىستارىن جۇگىزەتىنىن ايتتى.

 
سوڭعى جاڭالىقتار

ۇقساس جاڭالىقتار