- ءبىز كولونيا اۋماعىندا بىرنەشە جىلداردان بەرى قىزمەت ەتىپ كەلەمىز. العاشقى تسەح گم-172/1 مەكەمەسىندە اشىلعان بولاتىن. كارانتين شارالارى ەنگىزىلگەنگە دەيىن ءبىز ارنايى كيىمدەر تىگىپ, جيھاز جاساۋمەن اينالىسقان ەدىك, دەيدى كولونيا اۋماعىنداعى "راميت-اقتاۋ" جاۋاپكەرشىلىگى شەكتەۋلى سەرىكتەستىك تسەحىنىڭ باستىعى يۋسيف گاميدوۆ.
تسەح باستىعىنىڭ ايتۋىنشا, كورنوناۆيرۋس پاندەمياسىنا بايلانىستى ورىن العان قيىن جاعدايعا ولاردىڭ تەز ءارى باتىل بەيىمدەلۋىنە تۋرا كەلگەن. كيىم تىگۋدەن باسقا وندىرىستەر جابىلىپ, دارىگەرلەرگە ارنالعان قورعانىش كوستيۋمدەرىن جەدەل ءارى ساپالى تىگۋ قارقىندى قولعا الىندى.
قازىرگى تاڭدا "راميت-اكتاۋ" جاۋاپكەرشىلىگى شەكتەۋلى سەرىكتەستىگى
40 مىڭعا تارتا بىررەتتىك قورعانىش كوستيۋمدەرى مەن بىرنەشە مىڭداعان بەتپەردەلەر تىگىپ ءوز تۇتىنۋشىلارىنا ۇسىندى. قازىر ونەركاسىپ تسەحىندا ءالى 15 مىڭ كوستيۋمگە جەتەتىن ماتەريال بار. باعاسى قولجەتىمدى كيىمدەر مەن بەتپەردەلەرگە دارىگەرلىك مەكەمەلەرمەن بىرگە ءوز قىزمەتكەرلەرىنىڭ قاۋىپسىزدىگىن قاماتاماسىز ەتۋدى جولعا قويعان وزگە دە مەكەمەلەر قىزىعۋشىلىقپەن سۇرانىس تۇسىرۋدە.
جازاسىن وتەۋشىلەر قيىن كەزدە حالىقتىڭ قولتىعىنان دەمەپ, پاندەميامەن كۇرەسكە ءوز كومەكتەرىن قوسۋدى ازاماتتىق, ەل الدىنداعى پەرزەنتتىك پارىز دەپ ساناپ, زور ىقىلاسپەن جۇمىس جاساۋدا.
گم-172/6 مەكەمەسى اۋماعىندا "ەنبەك-اتىراۋ" مەملەكەتتىك مەكەمەسى مەن "راميت-اكتاۋ" جشس جۇمىس ىستەيدى. قوس كاسىپورىن پاندەميا ىلاڭى باستالعالى بەرى 61200 بەتپەردە, پوليتسيا قىزمەتكەرلەرى مەن مەكەمە قىزمەتكەرلەرىنە ارناپ 279 قورعانىش كيىمدەرىن, دارىگەرلەر مەن وزگە دە قىزىعۋشىلىق بىلدىرگەن مەكەمەلەر ءۇشىن 40 000 بىررەتتىك قورعانىش كيىمدەرىن دايىندادى.
جازاسىن وتەپ جۇرگەن جانداردىڭ ەلگە دەگەن جاناشىرلىعى, اۋىرپتالىقتى حالىقپەن بىرگە كوتەرىسىپ, ءوز مۇمكىندىكتەرىنشە كومەك ۇيىمداستىرۋى جان سۇيسىنتەدى.
