ۇكىمەت • 14 شىلدە، 2020

س.وماروۆ: "ەكسپورتتىق گيدتەردىڭ" ۇلگىلىك جۇيەسىن ەنگىزۋ جوسپارلانۋدا

22 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا پرەزيدەنت قاسىم-جومارت توقاەۆتىڭ بيىلعى 10 شىلدەدەگى ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىن ورىنداۋ جونىندەگى شارالار قارالدى. ەلىمىزدىڭ اگروونەركاسىپ كەشەنىندەگى قازىرگى جاعداي تۋرالى اۋىل شارۋاشىلىعى ءمينيسترى ساپارحان وماروۆ باياندادى. بۇل تۋرالى primeminister.kz-كە سىلتەمە جاساي وتىرىپ Egemen.kz حابارلايدى.

الەۋمەتتىك ماڭىزى بار ازىق-ت ۇلىك تاۋارلارىنا باعانىڭ ءوسۋىن بولدىرماۋ ماقساتىندا اۋىل شارۋاشىلىعى مينيسترلىگى ىشكى نارىقتى مولىقتىرۋ بويىنشا جوسپارلى جۇمىس جۇرگىزۋدە. يمپورت الماستىرۋدى ەسكەرە وتىرىپ، ينۆەستيتسيالىق جوبالاردى ىسكە اسىرۋ جونىندە جوسپار ازىرلەندى.

ساقتاۋ ينفراقۇرىلىمى بويىنشا قازىر رەسپۋبليكادا 27 ملن توننا ساقتاۋ سىيىمدىلىعى، ونىڭ ىشىندە 189 ليتسەنزيالانعان استىق قابىلداۋ كاسىپورنى بار.

الايدا، ءمينيستردىڭ ايتۋىنشا، شاعىن جانە ورتا فەرمەرلەرگە ارنالعان 10 مىڭ تونناعا دەيىنگى كىشىگىرىم استىق قويمالارىنىڭ ماسەلەسىن شەشۋ كەرەك. مۇنداي تاجىريبە اقش پەن كانادادا بار، قازاقستان دا بۇل باعىتتا مەملەكەتتىك قولداۋ شارالارىن ەنگىزۋدى جوسپارلاپ وتىر.

سونىمەن قاتار ماۋسىمارالىق كەزەڭدە قازىرگى زامانعى كوكونىس ساقتاۋ ورىندارى مەن جەمىس ساقتاۋ ورىندارى جەتىسپەيدى. بۇل ءۇشىن زاماناۋي ساقتاۋ ورىندارىن سالۋعا جەڭىلدەتىلگەن نەسيە بەرۋ جانە ينۆەستيتسيالىق سۋبسيديالاۋ جۇزەگە اسىرىلۋدا.

"اگروونەركاسىپتىك كەشەننىڭ ەكسپورتتىق الەۋەتىن ىسكە اسىرۋعا قاتىستى سىرتقى نارىقتاردىڭ كونيۋنكتۋراسى زەرتتەلەدى. كولىك شىعىندارىن سۋبسيديالاۋمەن قاتار، ەكسپورتتىق ءونىمدى سەرتيفيكاتتاۋعا جۇمسالعان شىعىنعا وتەماقى ەنگىزۋ،  سونداي-اق وتاندىق اۋىل شارۋاشىلىعى ءونىمىن ىلگەرىلەتۋدىڭ جاڭا ءتيىمدى ماركەتينگتىك قۇرالدارىن ەنگىزۋ پىسىقتالادى. يمپورتتاۋشى ەلدەردىڭ نارىقتارىنا ەگجەي-تەگجەيلى شولۋ جاساي وتىرىپ، "ەكسپورتتىق گيدتەردىڭ" ۇلگىلىك جۇيەسىن ەنگىزۋ جوسپارلانىپ وتىر"، دەدى س.وماروۆ.

اۋىل شارۋاشىلىعى ءونىمىن وڭدەۋدە بىرىڭعاي ساياساتتى قالىپتاستىرۋ ءۇشىن ءتيىستى فۋنكتسيالار مەن قاجەتتى شتات سانىن ەسكەرە وتىرىپ، اۋىل شارۋاشىلىعى مينيسترلىگىنىڭ قۇرامىندا تاماق جانە وڭدەۋ ونەركاسىبى كوميتەتىن قۇرۋدى ۇسىنىلادى.

سونداي-اق اگروونەركاسىپتىك كەشەندى دامىتۋدىڭ كەلەسى كەزەڭگە ارنالعان جاڭا مەملەكەتتىك باعدارلاماسىنىڭ تۇجىرىمداماسىندا شيكىزات جانە وڭدەۋ سالالارىن دامىتۋ جونىندە بىرىڭعاي تاسىلدەمە قاراستىرىلادى.

جەر ماسەلەلەرىنە قاتىستى اۋىل شارۋاشىلىعى مينيسترلىگى پرەزيدەنت اكىمشىلىگى قاۋىپسىزدىك كەڭەسىنىڭ تالدامالىق توبىمەن بىرلەسە وتىرىپ، اۋىل شارۋاشىلىعى ماقساتىنداعى جەرلەردى پايدالانۋدىڭ الەمدىك تاجىريبەسىنە تالداۋ جاسادى. كەڭىنەن تالقىلاۋعا شىعارىلاتىن بىرقاتار ۇسىنىس ازىرلەندى.

"4 وڭىردە عارىشتىق مونيتورينگ بويىنشا پيلوتتىق جوبا ىسكە اسىرىلۋدا. پيلوتتىق جوبانىڭ جايىلىمدىق القاپتار بويىنشا ءبىرىنشى كەزەڭى اياقتالدى، جىرتىلعان جەرلەر بويىنشا ەكىنشى كەزەڭ باستالدى، ول جىل سوڭىنا دەيىن اياقتالادى"، دەپ مالىمدەدى مينيستر.

جەر قاتىناستارى سالاسىن تسيفرلاندىرۋ جونىندەگى زاڭ جوباسىنىڭ تۇجىرىمداماسى ازىرلەندى، ول جەر ۋچاسكەلەرىن ەلەكتروندىق فورماتتا تىكەلەي ۇسىنۋدى كوزدەيدى. تالقىلاۋ اياقتالعاننان كەيىن زاڭ جوباسى بيىلعى 15 قىركۇيەككە دەيىن پارلامەنت ماجىلىسىنە ەنگىزىلەدى.

ءمينيستردىڭ مالىمەتىنشە، جەكەلەگەن شەكتەۋلەردى ساقتاۋ مۇمكىندىگى جاعدايىندا ەگىن جيناۋدى قامتاماسىز ەتۋ ماقساتىندا بيىل كوكتەمدە سىناقتان وتكەن جۇمىس الگوريتمى ىسكە قوسىلادى. بۇل الگوريتمگە فەرمەرلەردىڭ بوگەتسىز ءجۇرىپ-تۇرۋى، جانار-جاعار ماي مەن قوسالقى بولشەكتەردى جەتكىزۋى، سونداي-اق ەلەكتروندىق تۇردەگى جانە قاعاز فورماتتاعى ارنايى رۇقساتتارى كىرەدى.

"ەگىن جيناۋ ناۋقانىنا قاجەتتى تەحنيكانى دايىنداۋ جۇمىسى باستالدى، جاپپاي جۇمىستاردى باستاۋعا دايىندىق 100%-دى قۇرايدى. ەلەۆاتورلار مەن استىق قويمالارىنىڭ ماتەريالدىق-تەحنيكالىق بازاسىن دايىنداۋ جۇمىستارى جۇرگىزىلۋدە"، دەپ تۇيىندەدى س.وماروۆ.

سوڭعى جاڭالىقتار

ۇقساس جاڭالىقتار