"قازىرگى ۋاقىتتا حالىقتىڭ زور سۇرانىسىنا يە بولىپ وتىرعان ءدارى-دارمەكتىڭ 21 ءتۇرىن وڭىرلەرگە جىبەرىپ وتىرمىز. جەرگىلىكتى اتقارۋشى ورگاندار ءدارىحانا جەلىلەرىنە مونيتورينگ جۇرگىزىپ, وسى ءدارى-دارمەك تۇرلەرىنىڭ ءدارىحانالاردا بولۋىن قامتاماسىز ەتۋى قاجەت", - دەدى الەكسەي تسوي ۇكىمەتتىڭ وتىرىسىندا.
ونىڭ ايتۋىنشا, ەلدەگى ءدارى-دارمەك قورىن تولىقتىرۋ ءۇشىن رەسەيگە ەكى, ۇندىستانعا ءبىر ۇشاق جىبەرىلگەن.
"وتاندىق ءوندىرىستى قوسا العاندا وسى كۇنگە دەيىن 2 ملرد تەڭگەگە 3,5 ميلليون قاپتاما ءدارى-دارمەك جەتكىزىلدى. ايماقتارعا ىستىق تۇسىرەتىن جانە انتيباكتەريالدى پرەپاراتتاردىڭ ءبىر ايلىق قورى جونەلتىلدى. پرەپاراتتار تەڭ دارەجەدە ءبولىنىپ, ايماقتارعا جىبەرىلدى. وسى جىلدىڭ 15 جانە 17 شىلدەسىندە ۇندىستانعا تاعى ەكى ۇشاق, رەسەيگە تاعى ءبىر ۇشاق جىبەرۋ كوزدەلىپ وتىر. ءدارى-دارمەك قورى كۇن سايىن باقىلاۋدا بولادى", - دەدى ول.
