ەكونوميكا • 14 شىلدە، 2020

ەربولات دوساەۆ: ۇلتتىق بانك بيىلعى ينفلياتسيا دەڭگەيىن 8-8،5% شەگىندە ۇستاپ تۇرۋدى كوزدەپ وتىر

13 رەت كورسەتىلدى

ۇلتتىق بانك توراعاسى ەربولات دوساەۆ 2020 جىلى ينفلياتسيانى 8-8،5% ءدالىز شەگىندە ۇستاپ تۇرۋعا باعىتتالعان اقشا-كرەديت ساياساتى جۇرگىزىلەتىنىن ءمالىم ەتتى، دەپ جازادى Egemen.kz

"ول ءۇشىن ۇلتتىق بانك قولدا بار قۇرالداردى پايدالانادى. سونىمەن قاتار مەملەكەت باسشىسىنىڭ مونەتارلىق ەمەس ينفلياتسيانى تومەندەتۋ تاپسىرماسىن ورىنداۋ ماقساتى كوزدەلەدى. ول ءۇشىن نارىقتاردى تاۋارلارمەن تولتىرۋ، جەتكىزۋ تىزبەگىن وڭتايلاندىرۋ جانە الىپساتارلىققا جول بەرمەۋ جولىمەن ۇكىمەت پەن جەرگىلىكتى اتقارۋشى ورگاندار تاراپىنان يمپورتقا تاۋەلدىلىكتى ازايتۋ بويىنشا شارالار قابىلداۋ قاجەت. بۇل اقشا-كرەديت ساياساتىن ىسكە اسىرۋدىڭ تيىمدىلىگىن ارتتىرۋعا مۇمكىندىك بەرەدى"، - دەدى ەربولات دوساەۆ ۇكىمەت وتىرىسىندا.

ەربولات دوساەۆ سونداي-اق ۇلتتىق بانك بۇدان بۇرىن قابىلدانعان داعدارىسقا قارسى شارالار مەن جاڭا باستامالاردىڭ نەگىزىندە ەكونوميكانى قالپىنا كەلتىرۋگە قاتىساتىنىن جەتكىزدى.

"ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگى ۇكىمەتپەن بىرلەسىپ وسى جىلدىڭ شىلدەسىنىڭ سوڭىنا دەيىن الەۋمەتتىك-ەكونوميكالىق احۋال ناشارلاعان جاعدايدا سالالاردى قولداۋدىڭ قوسىمشا شارالار توپتاماسىن دايىندايدى،" - دەيدى ول.

ەسكە سالا كەتسەك ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقاەۆ ۇكىمەت پەن ۇلتتىق بانككە جاعداي ۋشىعاتىن بولسا، حالىق پەن سالالاردى قولداۋدىڭ قوسىمشا شارالار پاكەتىن ازىرلەۋدى تاپسىرعان بولاتىن.

سوڭعى جاڭالىقتار

ۇقساس جاڭالىقتار