«مەملەكەت باسشىسىنىڭ 2020 جىلعى 13 شىلدەدەگى №370 جارلىعىنا سايكەس قازاقستان رەسپۋبليكاسىنا سىڭىرگەن اسا ۇزدىك ەڭبەگى, قىزمەتتىك بورىشىن اتقارۋ ۇستىندە كورسەتكەن جانقيارلىق جۇمىسى ءۇشىن جوعارى دارەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعى, ايرىقشا ەرەكشەلىك بەلگىسى – التىن جۇلدىز بەن «وتان» وردەنى اقمولا وبلىسىنىڭ دەنساۋلىق ساقتاۋ باسقارماسى جانىنداعى «كوكشەتاۋ قالالىق كوپبەيىندى اۋرۋحاناسى» مكك بولىمشە مەڭگەرۋشىسى ولەگ نيكولاەۆيچ يساەۆقا (مارقۇم) جانە «اقتوبە وبلىستىق كلينيكالىق جۇقپالى اۋرۋلار اۋرۋحاناسى» مكك باس دارىگەرى قاليحان ەسبوسىن ۇلى قوزباعاروۆقا (مارقۇم) بەرىلدى.
سونداي-اق, وسى جارلىققا سايكەس قازاقستان پرەزيدەنتى قىزمەتتىك بورىشىن ۇلگىلى اتقارعانى, ازاماتتاردىڭ دەنساۋلىعىن ساقتاۋداعى تاباندى ەڭبەگى ءۇشىن مەديتسينا سالاسىنىڭ مارقۇم بولعان بىرقاتار قىزمەتكەرلەرىن «بارىس», «پاراسات» جانە «قۇرمەت» وردەندەرىمەن ناگرادتادى. ولاردىڭ قاتارىندا وڭىرلەردەگى مامانداندىرىلعان اۋرۋحانالار مەن مەديتسينالىق ورتالىقتاردىڭ دارىگەرلەرى, ءبولىم مەڭگەرۋشىلەرى, ينفەكتسيونيستەرى, سونىمەن قاتار جەدەل مەديتسينالىق جاردەم ستانساسىنىڭ مەيىرگەرلەرى, فەلدشەرلەرى, سانيتارلارى, قاتارداعى قىزمەتكەرلەرى مەن كولىك جۇرگىزۋشىلەرى بار», دەپ جازدى پرەزيدەنتتىڭ ءباسپاسوز حاتشىسى ءوزىنىڭ Facebook پاراقشاسىندا.
