ولار سوتتالعاندار اراسىندا توپ باستىعى قىزمەتىن الەۋمەتتىك-قۇقىقتىق جانە تاربيە جۇمىسىن قاۋىپسىزدىكتى جوعارى دەڭگەيدە ساقتاي ءجۇرىپ اتقاردى.
كورونوۆيرۋس ىندەتىنە قارسى كۇرەستە جالپىعا ورتاق سانيتارلىق تالاپتاردى كۋرسانتتار بۇلجىتپاي ورىنداي وتىرىپ, وندىرىستىك تاجىريبەدەن وتۋدە جاقسى ناتيجەگە جەتىپ, مەملەكەتتىك ەمتيحاندى جوعارى جەتىستىكپەن تاپسىردى.
مەملەكەتتىك اتتەستاتسيالاۋ كوميسسياسىنىڭ شەشىمىمەن تۇلەكتەر بىلىكتىلىگىمەن جانە «قۇقىق قورعاۋ ارەكەتىنىڭ باكالاۆرى» اكادەميالىق ساناتىمەن دارەجەلەنىپ, ىشكى ىستەر ءمينيسترىنىڭ بۇيرىعىمەن ءبىرىنشى ارناۋلى شەن «ادىلەت لەيتەنانتى» بەرىلدى.
155/12 مەملەكەتتىك مەكەمەسىنىڭ باسشىلىعى سانيتارلىق-ەپيدەميالىق تالاپتاردى قاتاڭ ساقتاي وتىرىپ, ءىىم قوستاناي اكادەمياسىنىڭ تۇلەكتەرىنە سالتاناتتى تۇردە ديپلوم تاپسىرۋ ءراسىمىن وتكىزدى.
سالتاناتتى جيىنعا رەسپۋبليكالىق «گەنەرالدار كەڭەسى» وداعىنىڭ, ارداگەرلەر جانە اۋعان سوعىسى مۇگەدەكتەرى وداعى ۇيلەستىرۋ كەڭەسىنىڭ مۇشەلەرى مەن تۇلەكتەردىڭ اتا-انالارى قاتىستى.
«شىراقبەك قابىلباەۆ اتىنداعى قوستاناي اكادەمياسىنىڭ تۇلەكتەرى اتالعان وقۋ ورنىندا بىلىمدەرىن ناقتى تاجىريبەمەن ۇشتاستىرىپ, پاتريوتتىق رۋحتى بويلارىنا ءسىڭىرىپ, لەزدە وتە شىققان ءتورت جىلدان كەيىن ديپلومدارىن اكادەميا قابىرعاسىندا الماسا دا جەتىسۋ جەرىندە قىلمىستىق اتقارۋ جۇيەسىنىڭ ءبىرىنشى شەنى «ادىلەت لەيتەنانتى» شەنىن يىقتارىنا تاعىپ, بويلارىنا ەرەكشە ءبىر الاپات جىگەر ۇيالاتىپ شىقتى», دەدى الماتى وبلىستىق قاج دەپارتامەنتى باستىعىنىڭ ورىنباسارى, ادىلەت پودپولكوۆنيگى قانات اشوۆ.
الماتى وبلىسى
