الەم • 13 شىلدە، 2020

تاجىكىستاندا پاندەميا ۋاقىتىندا اجىراسۋ ازايدى

101 رەت كورسەتىلدى

ىندەتتىڭ بەلەڭ العان ۋاقىتىنان بەرى تاجىكىستاندا وتكەن جىلعى دەرەكپەن سالىستىرعاندا اجىراسۋ كورسەتكىشى ايتارلىقتاي تومەندەگەن، دەپ حابارلايدى Egemen.kz

تاجىكىستاننىڭ ادىلەت مينيسترلىگى ازاماتتىق حال اكتىلەرىن جازۋ باسقارماسىنىڭ باسشىسى ساوداتبيبي سيرودجزودا: "وسى كەزەڭدە نەكە قيۋ جازبالارىنىڭ سانى 29 955 (2019 جىلى – 33 265)، اجىراسۋ تۋرالى جازبالاردىڭ سانى – 5 486 (2019 جىلى – 6 065) دەيىن تومەندەدى"، دەيدى.

ونىڭ ايتۋىنشا، COVID-19 تارالۋ كەزەڭىندە، شەت ەلدەردە، كەرىسىنشە، وتباسىلاردىڭ اجىراسۋى جاھاندىق پروبلەماعا اينالدى. نەكە جازبالار سانىنىڭ تومەندەۋى بەلگىلى ءبىر كەزەڭدە ۇيلەنۋ ءراسىمىن وتكىزۋگە تىيىم سالۋمەن بايلانىستى بولعانىن دا تىلگە تيەك ەتتى.

"الاۋىزدىق، ەرلى-زايىپتىلاردىڭ ءبىرىن-ءبىرى تۇسىنبەۋى، الەۋمەتتىك جاعدايى، جاستاردىڭ وتباسىلىق ومىردەن بەيحابارلىعى وتباسىلاردىڭ ىدىراۋىنا اكەلىپ سوعادى"، دەيدى ساوداتبيبي سيرودجزودا.

دەرەكتەرگە سايكەس، اجىراسۋ كورسەتكىشى تاجىكستاننىڭ سوعدى وبلىسىندا ەڭ كوپ بايقالعان. 1922 وتباسىلىق وداق كۇشىن جويىپتى. ال حاتلون وبلىسى بويىنشا – 1230، گباو – 80، دۋشانبە – 931، ررپ – 1323  جاعداي تىركەلگەن.

سوڭعى جاڭالىقتار

ۇقساس جاڭالىقتار