ايماقتار • 13 شىلدە، 2020

اقتاۋدا دارىگەرلەر 4 قوناقۇيگە ورنالاستىرىلدى

155 رەت كورسەتىلدى

بۇل تۋرالى ماڭعىستاۋ وبلىستىق كوممۋنيكاتسيا ورتالىعى حابارلادى.

قازىرگى تاڭدا ماڭعىستاۋدا قاۋىپتى ىندەت جۇقتىرعان ناۋقاستاردى ەمدەۋ ءۇشىن 400-گە جۋىق مەديتسينالىق ماماندار ۇزدىكسىز قىزمەت ەتۋدە.

بارلىق مەديتسينالىق قىزمەتكەرلەر ۇيلەرىنە بارماي اقتاۋ قالاسى بويىنشا 4 قوناق ۇيگە ورنالاستىرىلدى. اتاپ ايتار بولساق، "Nur Plaza"، "كوكتەم"، "انتاليا" جانە "ارمان" قوناق ۇيلەرى. وسى ورايدا "Nur Otan" پارتياسىنىڭ باستاماسىمەن دارىگەرلەردىڭ قىزمەتىن قامتاماسىز ەتۋ جانە قولداۋ ماقساتىندا "قاراجانباس مۇناي" اق، "كاز ازوت" اق، "كاسپي بيتۋم" جشس، "ماەك-كازاتومپروم" جشس جانە دە دەپۋتاتتىق فراكتسيا مۇشەلەرى مەديتسينالىق قىزمەتكەرلەر ورنالاسقان قوناق ۇيلەرگە كۇندەلىكتى قاجەتتى ءسۇت ونىمدەرى مەن كوكونىس، جەمىس جيدەكتەرمەن قامتاماسىز ەتۋ جۇمىستارىن جۇرگىزۋدە. سونىمەن قاتار مەديتسينالىق قىزمەتكەرلەردىڭ ۇزدىكسىز جۇمىسىن جۇيەلەندىرۋ ماقساتىندا "Nur Otan" پارتياسىنىڭ ۇيىمداستىرۋىمەن دارىگەرلەردىڭ جۇمىسقا قاتىناۋى ءۇشىن ولار 5 ارنايى ميكرواۆتوبۋسپەن قامتاماسىز ەتىلدى. الداعى ۋاقىتتا دا "Nur Otan" پارتياسى دارىگەرلەردىڭ ۇزدىكسىز جۇمىسىن ۇيىمداستىرىپ، جۇيەلى تۇردە قاجەتتىلىكتەرىن قامتاماسىز ەتۋ ماقساتىندا جۇمىسىن جالعاستىرا بەرەدى.

سوڭعى جاڭالىقتار

ۇقساس جاڭالىقتار