ايماقتار • 13 شىلدە، 2020

تۇركىستان قالاسىنىڭ ءدارىحانالارىندا ءدارى-دارمەكتىڭ جەتىسپەۋشىلىگى انىقتالدى

25 رەت كورسەتىلدى

قر سىبايلاس جەمقورلىققا قارسى ءىس-قيمىل اگەنتتىگىنىڭ توراعاسىنىڭ تاپسىرماسىنا سايكەس تۇركىستان وبلىسى بويىنشا دەپارتامەنتىنىڭ باسشىسى حاكيم كوشقاليەۆ باستاعان جەدەل توپ تۇركىستان قالاسىندا ورنالاسقان دارىحانالارعا ارنايى بارىپ، دارىلىك زاتتاردىڭ باعا تۇراقتىلىعىنا جانە سۇرانىسقا يە ءدارى-دارمەكتەردىڭ جەتكىزىلۋ دەڭگەيىنە زەردەلەۋ جۇمىستارىن جۇرگىزدى، دەپ جازادى Egemen.kz

مونيتورينگتىك جۇمىسشى توپتىڭ قۇرامىنا اگەنتتىكتىڭ تۇركىستان وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى م.قارعاباي، وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ماماندارى، "تۇركىستان – ادالدىق الاڭى" جوبالىق كەڭسەسىنىڭ مەنەدجەرلەرى مەن ارنايى مونيتورينگتىك توپ مۇشەلەرى، سونداي-اق قوعام بەلسەندىلەرى قاتىستى. جۇيەلى جۇرگىزىلگەن زەردەلەۋ جۇمىستارى بارىسىندا ءدارىحانا ۇيىمدارىندا ءدارى-دارمەكتەرىنىڭ جەتىسپەۋشىلىگى انىقتالدى. ماسەلەن، "يپ ەربۇلان"، "يپ دجاپاقوۆ" ءدارىحانالارىندا سۇرانىسقا يە دارىلىك زاتتاردىڭ، سونىڭ ىشىندە تسەف ءىىى، پاراتسەتامول، ازيتروميتسين، ينگاۆەرين، مەروپەنەم، اسكوربينوۆايا كيسلوتا، تسەفامەد، دەكسامەتازون جوق بولىپ شىقتى. سونداي-اق، تۇركىستاندىق دارىحانالارعا الماتى قالاسىنان 136 ءتۇرلى اسا قاجەتتى ءدارى-دارمە اكەلىنگەندىكتەن، بىرقاتار ءدارىحانالاردا ناۋقاس جاندارعا قاجەتتى ءدارى-دارمەك تۇرلەرىنىڭ بار ەكەندىگى دە بەلگىلى بولدى. دارىحانالارداعى باعا وسىمىنە مونيتورينگ جۇمىستارى كەنتاۋ قالاسىندا دا جۇرگىزىلىپ، ناتيجەسىندە "بالابيەۆا ي ك" ءدارىحانا ۇيىمىنىڭ دارىلىك زاتتاردى بەكىتىلگەن شەكتىك باعادان وسىرگەندىگى انىقتالدى. بۇل زاڭبۇزۋشىلىق دەرەگى بويىنشا ءدارىحانا يەسى زاڭ اياسىندا اكىمشىلىك جاۋاپكەرشىلىككە تارتىلدى.

ايتا كەتسەك، اگەنتتىكتىڭ تۇركىستان وبلىسى بويىنشا دەپارتامەنتىنىڭ باستاماسىمەن ءار كۇن سايىن وبلىسقا قاراستى دارىحانالارعا مونيتورينگ جۇمىستارى تۇراقتى تۇردە جۇرگىزىلۋدە.



سوڭعى جاڭالىقتار

ۇقساس جاڭالىقتار