الەم • 13 شىلدە، 2020

ارمەنيا ۇكىمەتى ەلدەگى توتەنشە جاعداي رەجيمىن تاعى ءبىر ايعا سوزدى

21 رەت كورسەتىلدى

ارمەنيا ۇكىمەتىنىڭ شەشىمىمەن رەسپۋبليكادا كوروناۆيرۋسقا بايلانىستى ناۋرىزدا ەنگىزىلگەن توتەنشە جاعداي رەجيمى تاعى ءبىر ايعا ۇزارتىلدى، دەپ جازادى Egemen.kz

دۇيسەنبى، 13 شىلدەدە ارمەنيا ۇكىمەتىنىڭ كەزەكتەن تىس وتىرىسى ءوتتى. وندا تج رەجيمىن تاعى ءبىر ايعا - 12 تامىزعا دەيىن ۇزارتۋ تۋرالى شەشىم قابىلداندى. تج رەجيمىن ۇزارتۋ تۋرالى شەشىم ەلدەگى كوروناۆيرۋس ينفەكتسياسىنىڭ تارالۋ ۇزاقتىعىنا، سونداي-اق وعان قارسى تۇرۋدىڭ ءتيىمدى تەتىكتەرىن قامتاماسىز ەتۋ قاجەتتىلىگىنە نەگىزدەلگەن.

ارمەنيا دەنساۋلىق ساقتاۋ مينيسترلىگىنىڭ اۋرۋدى باقىلاۋ جانە الدىن الۋ جونىندەگى ۇلتتىق ورتالىعىنىڭ مالىمەتىنشە، ەلدە 32 151 ادام كوروناۆيرۋس ينفەكتسياسىن جۇقتىرعان. 19 865 پاتسيەنت ساۋىعىپ شىقسا، 11 530 ناۋقاس ەم قابىلداۋدا. قاۋىپتى ىندەتتەن 573 ادام كوز جۇمعان. COVID-19 دياگنوزى قويىلعان تاعى 183 پاتسيەنت وزگە سەبەپتەردەن قايتىس بولدى.

ەسكە سالا كەتەيىك، ارمەنيادا كوروناۆيرۋس ينفەكتسياسىنا بايلانىستى توتەنشە جاعداي رەجيمى 16 ناۋرىزدا ءبىر ايعا ەنگىزىلگەن بولاتىن. كەيىننەن 13 ساۋىردە ارمەنيا ۇكىمەتى تج رەجيمىن 14 مامىرعا دەيىن، سودان كەيىن ەكى رەت - 13 ماۋسىمعا دەيىن جانە 13 شىلدەگە دەيىن ۇزارتقان ەدى.

 

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار