پرەزيدەنت • 13 شىلدە، 2020

قازاقستان پرەزيدەنتى پاندەميا قۇرباندارىن ءۇنسىز ەسكە الۋ راسىمىنە قاتىستى

69 رەت كورسەتىلدى

مەملەكەت باسشىسىنىڭ وكىمىمەن 13 شىلدە جالپىۇلتتىق ازا تۇتۋ كۇنى بولىپ بەلگىلەنگەن بولاتىن. وسىعان وراي تۇنگى ساعات 00:00-دەن باستاپ ەلىمىزدەگى بارلىق مەملەكەتتىك تۋ تومەن ءتۇسىرىلدى. بۇل تۋرالى Egemen.kz اقوردانىڭ ءباسپاسوز قىزمەتىنە سىلتەمە جاساپ حابارلايدى.

ال بۇگىن نۇر-سۇلتان قالاسىنىڭ ۋاقىتىمەن ساعات 12:00-دە رەسپۋبليكا بويىنشا كوروناۆيرۋس پاندەمياسىنىڭ قۇرباندارىن ءبىر مينۋت ۇنسىزدىكپەن ەسكە الۋ جاريالاندى.

جالپىۇلتتىق ازا تۇتۋ كۇنىنە وراي قاسىم-جومارت توقاەۆ اقوردا رەزيدەنتسياسىنىڭ الدىندا ىندەتتەن قازا بولعان ازاماتتاردى قۇرمەتپەن ەسكە الدى. سونىمەن قاتار راسىمگە مەملەكەتتىك حاتشى قىرىمبەك كوشەرباەۆ، پرەزيدەنت اكىمشىلىگىنىڭ باسشىسى ەرلان قوشانوۆ، قاۋىپسىزدىك كەڭەسىنىڭ حاتشىسى اسەت يسەكەشەۆ، پرەزيدەنت كەڭسەسىنىڭ باستىعى نۇرلان ونجانوۆ، دەنساۋلىق ساقتاۋ ءمينيسترى الەكسەي تسوي قاتىستى.

ىندەت قۇرباندارىن ءۇنسىز ەسكە الۋ ءراسىمى رەسپۋبليكانىڭ بارلىق ايماعىندا ءوتتى.

87

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار