پرەزەنتاتسيا ينتەرنەتتەگى ادامداردىڭ وزدەرىن جانە وزدەرىنىڭ دەرەكتەرىن قورعاۋعا, سونداي-اق ونلاين-ترانزاكتسيالاردا الاياقتىقتى بولدىرماۋ قادامداردى ۇسىندى. ءىس-شاراعا جەكە سەكتوردىڭ, عىلىمي ورتا مەن ازاماتتىق قوعامنىڭ وكىلدەرى قاتىستى.
"كيبەرقاۋىپسىزدىك IT سەكتورىنىڭ كۇردەلى ءبولىمى بولىپ سانالادى, سوندىقتان كوپتەگەن ادامدار ونىڭ نەگىزدەرىن تۇسىنۋگە تىرىسپايدى. سول سەبەپتى كوپشىلىككە اقپاراتتىق قاۋىپسىزدىك تۋرالى ءبىلىمدى قول جەتىمدى تىلدە جەتكىزۋ ماڭىزدى, ويتكەنى بىرنەشە قاراپايىم ەرەجەلەر ءاربىر ادامدى ايتارلىقتاي قورعاپ, شابۋىلدىڭ قۇنىن مىڭ ەسەگە ارتتىرا الادى", دەدى ءىس-شارادا بايانداما جاساعان كيبەرشابۋىلداردى تالداۋ جانە تەرگەۋ ورتالىعىنىڭ تەڭ باسشىسى ارمان ءابدىراسىلوۆ,.
ءىس-شارا كيبەركەڭىستىكتەگى قاۋىپ-قاتەرلەر, سونىڭ ىشىندە قارجىلىق قىلمىستار مەن جەكە اقپاراتتىڭ جىلىستاتىلۋى سياقتى قاۋىپتەر تۋرالى حاباردارلىقتى ارتتىرۋ ماقساتىندا وتكىزىلدى. بۇل COVID-19 تارالۋىن بولدىرماۋ بويىنشا قابىلدانعان شارالارعا بايلانىستى قازىرگى كەزدەگى كوپشىلىكتىڭ ءبىر-بىرىمەن بايلانىسۋى جانە ينتەرنەت ارقىلى جۇمىس ىستەۋى ءۇشىن وزدەرىنىڭ كوپ ۋاقىتىن ونلاين وتكىزەتىنىن ەسكەردى.
بۇل ءىس-شارا ترانسۇلتتىق قاۋىپ-قاتەرلەر, سونىڭ ىشىندە كيبەركەڭىستىكتەگى قاۋىپتەر تۋرالى جۇرتشىلىقتىڭ حاباردارلىعىن ارتتىرۋدى ىلگەرىلەتۋ بويىنشا باعدارلامالار ءوفيسىنىڭ كۇش-جىگەرىنىڭ ءبىر بولىگى..
