ايماقتار • 12 شىلدە، 2020

تۇركىستاندا تۇرعىندارعا اسا قاجەتتى ءدارى-دارمەك شەكتى باعامەن ساتىلۋدا ما؟

27 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ تاپسىرماسىنا سايكەس تۇركىستان وبلىسى بويىنشا دەپارتامەنتىنىڭ باسشىسى حاكيم كوشقاليەۆ باستاعان جەدەل توپ دارىحانالارعا بارىپ، دارىلىك زاتتاردىڭ باعا تۇراقتىلىعىنا جانە  سۇرانىسقا يە ءدارى-دارمەكتەردىڭ جەتكىزىلۋ دەڭگەيىنە زەردەلەۋ جۇمىستارىن جۇرگىزدى، دەپ حابارلايدى Egemen.kz.

مونيتورينگتىك جۇمىسشى توپ جۇرگىزگەن زەردەلەۋ جۇمىستارى بارىسىندا تۇركىستان قالاسىندا ورنالاسقان ءدارىحانا ۇيىمدارىندا شەكتى باعانىڭ  تولىق ساقتالعاندىعى جانە "جك ەربۇلان"، "جك دجاپاقوۆ" ءدارىحانالارىندا سۇرانىسقا يە دارىلىك زاتتاردىڭ، سونىڭ ىشىندە "تسەف ءىىى"، "پاراتسەتامول"، "ازيتروميتسين"، "ينگاۆەرين"، "مەروپەنەم"، "اسكوربينوۆايا كيسلوتا"، "تسەفامەد"، "دەكسامەتازون" ءدارى-دارمەكتەرىنىڭ جەتىسپەۋشىلىگى انىقتالدى. سونىمەن قاتار، دارىحانالارداعى باعا وسىمىنە جۇرگىزىلگەن مونيتورينگ جۇمىستارى كەنتاۋ قالاسىندا دا جۇرگىزىلىپ، ناتيجەسىندە "بالابيەۆا ي ك" ءدارىحانا ۇيىمىنىڭ  دارىلىك زاتتاردى بەكىتىلگەن شەكتىك باعادان وسىرگەندىگى ءمالىم بولدى. انىقتالعان زاڭبۇزۋشىلىق دەرەگى بويىنشا ءدارىحانا ۇيىمى زاڭ اياسىندا اكىمشىلىك جاۋاپكەرشىلىككە تارتىلدى.

دەپارتامەنت ءباسپاسوز قىزمەتىنىڭ حابارلاۋىنشا، وبلىسقا قاراستى دارىحانالارعا مونيتورينگ جۇمىستارى كۇن سايىن تۇراقتى تۇردە جۇرگىزىلۋدە.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار