قازاقستان • 12 شىلدە، 2020

اينۇردىڭ جۇرت سۇيسىندىرگەن ارەكەتى

595 رەت كورسەتىلدى

قازاقتىڭ اقىن قىزى اينۇر تۇرسىنباەۆا شەت ەلدەردەن ەلىمىزگە جاساندى وكپە جەلدەتكىشتەرىن جەتكىزۋ ماسەلەسىن قولعا العان. باسىندا ول ءوز قالتاسىنداعى 5 ملن تەڭگەگە تۇركيادان 20 اپپارات ساتىپ الماق بولادى. كەيىننەن وزىنە كومەكتەسۋگە نيەتتى ادامدار قاراسى كوبەيگەننەن كەيىن وسى ىسپەن بەرىلە شۇعىلدانادى.

ءسويتىپ ول قۇرعان قورعا از ۋاقىتتىڭ ىشىندە ءبىرشاما قاراجات جينالادى. ول بۇل تۋرالى بۇگىن ينستاگرام الەۋمەتتىك جەلىسىندەگى ءوز پاراقشاسىندا بىلاي دەپ جازدى:

"ال ءسۇيىنشى!!! ءيا، اينالدىرعان 5 كۇندە 825 اپپاراتتىڭ قارجىسىن جيناپ تاستادىق.. وڭاي بولعان جوق! داۋلەت مۇقاەۆ، دينارا ساتجان ۇشەۋمىز 24 ساعات تەلەفوندا وتىرىپ جەتكەن جەتىستىگىمىز وسى بولدى.. كىشكەنە كوپشىك قويىپ جىبەرسەڭىزدەر 1000-عا جەتكىزىپ تاستاۋىمىز مۇمكىن... ءجا، قاتتى كۇشەنبەي-اق قويايىن.. قالتالى ازاماتتارعا جالىنىپ جازدىق،ولەڭدەتىپ جازدىق..كىمنەن، قالاي جيناعانىمىزدى ايتىپ ميلارىڭىزدى شىرىتپەي-اق قويايىن.. كىمنىڭ قانشا بەرگەنىن دە ايتپاي-اق قويايىن.. سەبەبى قارا حالىقتىڭ تيىنداپ بەرگەنى قالتالى بايدىن ميلليونىنان قۇندى ەكەنىن بىلەسىزدەر...  125 اپارات تۇركيادان بۇگىن جەتەدى..700 اپاراتتى 10-15 كۇننىڭ ىشىندە قىتايدان الىپ كەلەتىن بولدىق...  دەنساۋلىق ساقتاۋ ءمينيسترى  Alexey Tsoy جەتكىزۋگە جانە تاراتۋعا كومەكتەسەتىنىن ايتىپ قۋانتىپ جاتىر.."

قازىرگى كۇنى ەلىمىزدە اينۇردىڭ باستاماسىن ءىلىپ الىپ كەتىپ، شەت ەلدەن جاساندى وكپە جەلدەتكىشى مەن باسقا دا مەديتسينالدىق قۇرالدار جەتىزۋ ىسىمەن شۇعىلدانۋشىلار قاراسى دا بايقالا باستادى. ال بيزنەسمەن ايدىڭ راحىمباەۆ بولسا، ءوز كۇشتەرىمەن نۇر-سۇلتان، الماتى قالالارىنان ىندەتكە شالدىققان حالىقتى تەگىن ەمدەيتىن ەمحانالار اشۋ ىسىمەن شۇعىلدانۋدا.

مۇنداي ازاماتتىق باستامالار قىسىلعان حالقىمىزعا ۇلكەن سەپ ەكەندىگى انىق.

ۇكىمەت تاراپىنان وسىنداي بەلسەندى توپتاردىڭ ارەكەتىنە قولداۋ جاسالۋى ءتيىس دەگەن ويدامىز.

سوڭعى جاڭالىقتار

ۇقساس جاڭالىقتار