ايماقتار • 10 شىلدە، 2020

پەتروپاۆلدا اۆتوبۋس جۇرگىزۋشىسى كۇدىكتىنى ۇستاۋعا كومەكتەستى

33 رەت كورسەتىلدى

وقيعا №8 مارشرۋتىنىڭ سوڭعى ايالداماسىندا ورىن العان. اۆتوبۋس جولاۋشىلارىنىڭ ءبىرى سالوننان شىقپاي قالىپ، جۇرگىزۋشى سىرتقا شىعىپ كەتكەندە جينالعان جول اقىنى قولدى قىلعان. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.

جابىرلەنۋشىنىڭ ايتۋىنشا، شىعىن سوماسى 13 مىڭ تەڭگەنى قۇرايدى. جۇرگىزۋشى سالوندا ءىزىن سۋىتپاق بولعان بوگدە ادامدى بايقاپ قالىپ توقتاتقان جانە پوليتسيا شاقىرعان. اتالعان فاكتى قر قىلمىستىق كودەكسىنىڭ 188-بابى 3-بولىگى "ۇرلىق" بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى.

كۇدىكتى – بۇرىن سوتتالعان 39 جاسار قالا تۇرعىنى. تەرگەۋ كەزىندە ونىڭ بۇرىن اۆتوبۋستا جاسالعان ۇرلىققا قاتىسى انىقتالدى، قاسقوي ول كەزدە دە كابينادا جۇرگىزۋشىنىڭ بولماعانىن پايدالانىپ، اشىق تۇرعان تەرەزەدەن اقشا جىمقىرعان.

وتكەن جولى ول شامامەن 15 مىڭ تەڭگە ولجالاعان. "اۆتوبۋس مارشرۋتتارى كريمينالدىق پوليتسيا قىزمەتكەرلەرىنىڭ ەرەكشە نازارىندا. 2019 جىلعى اقپاندا پوليتسەيلەر مەن قوعامدىق كولىك ۇيىمى وكىلدەرىنىڭ كەڭەسىنەن كەيىن قالالىق مارشرۋتتاردىڭ باسىم بولىگىندە بەينە باقىلاۋ كامەرالارى ورناتىلىپ، ولاردىڭ كومەگىمەن بىرنەشە قىلمىستىڭ بەتى اشىلدى.

بۇدان بولەك، WhatsApp مەسسەندجەرىندە جاسالعان قۇقىق بۇزۋشىلىقتار، ءىز-ءتۇزسىز جوعالعانداردى ىزدەستىرۋ بويىنشا پوليتسەيلەر مەن جۇرگىزۋشىلەرگە اقپاراتپەن جەدەل الماسۋعا مۇمكىندىك بەرەتىن چات جۇمىس ىستەيدى. قوعامدىق كولىك سالاسىنىڭ قىزمەتكەرلەرى قۇقىقتىق ءتارتىپتى نىعايتۋعا ەلەۋلى ۇلەستەرىن قوسادى"، دەدى پەتروپاۆل قالاسىنىڭ پوليتسيا باسقارماسى كريمينالدىق پوليتسيا ءبولىمى باستىعىنىڭ ورىنباسارى ەربولات قاپتاەۆ.

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار