ايماقتار • 10 شىلدە، 2020

ءوڭىر جامان ىندەتكە قاراماي وركەندەپ كەلەدى

45 رەت كورسەتىلدى

كەشە سولتۇستىك قازاقستان وبلىسىنىڭ اكىمى قۇمار اقساقالوۆتىڭ توراعالىعىمەن ەكونوميكالىق ماسەلەلەر بويىنشا العاشقى جارتىجىلدىقتى قورىتىندىلاعان ينۆەستجوبالاردىڭ ايماقتىق كەڭەسىنىڭ وتىرىسى بولىپ ءوتتى.

جيىندى اشقان سوزىندە وبلىس اكىمى ەكونوميكانىڭ باستى سالالارىنىڭ بارىندە ءوسىم بارىن اتاپ ءوتتى. وبلىستىڭ بيۋدجەتى جىلدىڭ باسىندا 262 ملرد. تەڭگەنى قۇراسا التى ايدا 24 پايىزعا ارتىپ، قازىر 324 ملرد. تەڭگەگە جەتكەن. بۇل 2019 جىلدىڭ سايكەس مەرزىمىمەن سالىستىرعاندا 58 پايىزعا ارتىق.  جارتى جىلدا وبلىس ەكونوميكاسىنا 108 ملرد. تەڭگە ينۆەستيتسيا تارتىلعان، بۇل بىلتىرعى جىلدىڭ سايكەس مەرزىمىمەن سالىستىرعاندا 23،4 پايىزعا ارتىق.

اۋىلشارۋاشىلىعىنىڭ وركەندەۋى بويىنشا بايانداما جاساعان وبلىس اكىمىنىڭ ءبىرىنشى ورىنباسارى مارات تاسماعانبەتوۆ سوڭعى ءۇش جىلدا اۋىلشارۋاشىلىعىنا سالىنعان ينۆەستيتسيا كولەمى 1،5 ەسە ارتىپ، 107،6 ملرد. تەڭگەگە جەتكەنىن ايتتى. اۋىلشارۋاشىلىعى ايماقتاعى جالپى ءونىمنىڭ تورتتەن ءبىرىن بەرەدى. وبلىسقا تارتىلعان بارلىق ينۆەستيتسيانىڭ دا 54 پايىزى وسى سالاعا تيەسىلى. قازىر اۋىلشارۋاشىلىعىنا ينۆەستيتسيا تارتۋ جونىنەن وبلىس رەسپۋبليكا بويىنشا ەڭ الدىڭعى ورىندا. سوڭعى ەكى جىلدا 7 تاۋارلى-ءسۇت كەشەندەرى سالىندى. وسىنداي كەشەندەردىڭ تاعى دا ون داناسىن سالۋ كوزدەلگەن. ءسويتىپ، ءسۇت ءوندىرۋ كولەمىن 30 مىڭ تونناعا جەتكىزۋ جوسپارلانعان.  مارات يمانباي ۇلى ودان ءارى ەت ونىمدەرىن شىعارۋمەن، جۇمىرتقا وسىرۋمەن اينالىساتىن كەشەندەردىڭ جۇمىستارىنا توقتالدى.

وڭىردەگى قۇرىلىس قارقىنى بويىنشا بايانداما جاساعان اكىمنىڭ ورىنباسارى انتون فەدياەۆ الدىمەن 100 ملرد. تەڭگەنىڭ جوباسى بولىپ وتىرعان، تۇرىك كومپانياسى تۇرعىزىپ جاتقان كوپفۋنكتسيونالدى اۋرۋحاناعا توقتالدى. بيىل ونىڭ ىرگەتاسىن قالاۋ جۇمىسى تولىق اياقتالادى. قازىر قۇرىلىستا 70 ادام جۇمىس ىستەۋدە. سونىمەن قاتار ا.فەدياەۆ باسقا قۇرىلىستارعا دا توقتالدى. ونىڭ سوزىنەن قىزىلجار قالاسىندا تۇرعىن ءۇي قۇرىلىسى قازىر قارقىندى جۇرگىزىلۋدە ەكەندىگى ايتىلدى. بيىل 12 مىڭ سولتۇستىكقازاقستاندىق جاڭا ۇيلەرگە كوشپەكشى.

ونەركاسىپ بارىسى جونىندە بايانداعان وبلىس اكىمىنىڭ ورىنباسارى داۋرەن جانداربەك قازىر 637،2 ملرد تەڭگەنىڭ 73 جوباسى مونيتورينگتىلەنۋدە ەكەنىن ايتتى. سونىڭ ىشىندە ەەا ءۇش جوبا قولعا الىنىپ، ىسكە اسىرىلا باستاعان. سونىمەن بىرگە وبلىس اۋماعىندا ەكى بىردەي ۆولفرام قورى بار ەكەندىگى بەلگىلى بولدى. ونى ءوندىرۋ قولعا الىنسا سولتۇستىك قازاقستان ونەركاسىبى ءتىپتى العا باسپاق. ازىرگە، جىل اياعىنا دەيىن 287 ملرد. تەڭگە ينۆەستيتسيا تارتۋ جوسپارلانىپ وتىر.

سولتۇستىك قازاقستان وبلىسى

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار