كوروناۆيرۋس • 09 شىلدە، 2020

رەسپۋبليكالىق كوممۋنيكاتسيالار ورتالىعى مەن coronavirus2020.kz سايتى: جۇمىس قالاي ۇيىمداستىرىلعان؟

13 رەت كورسەتىلدى

كوروناۆيرۋس ينفەكتسياسى تۋرالى مالىمەت پەن ازاماتتارعا تۇسىندىرمە جۇمىسىن كۇن سايىن رەسپۋبليكالىق كوممۋنيكاتسيالار ورتالىعى مەن coronavirus2020.kz سايتى جۇرگىزەدى. بۇل تۋرالى قازاقپارات پورتالىنا سىلتەمە جاساي وتىرىپ Egemen.kz حابارلايدى.

كوروناۆيرۋس ينفەكتسياسىمەن كۇرەس كەزىندە مەملەكەتتىك ورگاندار اراسىنداعى ۇيلەستىرۋدى قامتاماسىز ەتۋگە ارنالعان رەسپۋبليكالىق كوممۋنيكاتسيالار ورتالىعىنىڭ جۇمىسى پرەزيدەنت قاسىم-جومارت توقاەۆتىڭ تاپسىرماسىمەن قايتا جاڭعىردى. كۇن سايىن قازىرگى ۋاقىتتا ءارى قولشا اقپاراتتاردى ساراپتاپ، مالىمەتتەردى جيناپ، شىنايى جانە سەنىمدى كەڭەس دايىندالادى. Telegram مەسسەندجەرىندە مەملەكەتتىك ورگان قىزمەتكەرلەرى قوسىلعان جەدەل باقىلاۋ توبى قۇرىلدى. تەلەگرام-چات رەزونانستى تاقىرىپتاردى انىقتاپ، ولارعا ۋاقتىلى جاۋاپ بەرۋگە مۇمكىندىك بەرەدى.

تج رەجىمى جاريالانعان ساتتەن باستاپ قازاقستاندىقتار ءۇشىن تاڭەرتەڭ coronavirus2020.kz سايتىنان مالىمەتتەردى قاراۋ ادەتكە اينالدى. بۇل پورتالدى حالىقتى قازاقستانداعى كوروناۆيرۋس ينفەكتسياسىنىڭ تارالۋ جاعدايى تۋرالى سەنىمدى اقپاراتپەن قامتاماسىز ەتۋ ءۇشىن اقپارات جانە قوعامدىق دامۋ مينيسترلىگى قۇردى. سايتتى وتە قىسقا مەرزىمدە 20 ناۋرىز كۇنى «قازاقپارات» حاا» اق جاسادى. رەسۋرستا كوروناۆيرۋس ينفەكتسياسى تۋرالى سوڭعى دەرەكتەر، كارانتين كەزىندەگى ەرەجەلەر، كوروناۆيرۋسپەن كۇرەستە مەملەكەت قابىلداعان شارالار مەن ونىڭ سالدارى جاريالانادى. وسى جەردە جەلىدە تاراپ جاتقان جالعان اقپارات تا تەرىسكە شىعارىلادى. كۇن سايىن سايتقا 100 مىڭ قولدانۋشى كىرەدى.

پورتال ازاماتتاردىڭ ۇندەۋىنە جاۋاپ بەرۋىمەن ەرەكشەلەنەدى. قاراپايىم قازاقستاندىقتاردىڭ سۇراعىنا مەملەكەتتىك ورگاندار جاۋاپ بەرەدى. سوڭعى كۇندەرى سايت ارقىلى ءتۇسىپ جاتقان ۇندەۋلەرمەن جۇمىس كۇشەيتىلدى. وتكەن ەكى اپتانىڭ وزىندە 8 مىڭ وقىرماننىڭ سۇراعىنا جاۋاپ بەرىلدى. جالپى سەرۆيس جۇمىسىن باستاعالى 40 مىڭعا جۋىق سۇراق كەلىپ تۇسكەن. سoronavirus2020.kz پورتالىنىڭ Telegram-ارناسى جازىلۋشىلار سانى بويىنشا قازاقستاندىق ارنالار ىشىندە ءبىرىنشى ورىندا تۇر. ارنانىڭ 440 مىڭعا جۋىق جازىلۋشىسى بار.

ءبىر جاريالىمدى ورتاشا ەسەپپەن 220 مىڭعا جۋىق جەلى قولدانۋشىسى كورەدى. ارنادا تاۋلىگىنە 40-قا جۋىق حابارلاما جاريالانادى. ايتا كەتكەن ءجون، ارنانىڭ Telegram مەسسەندجەرى اكىمشىلىگىنەن العان رەسمي ۆەريفيكاتسياسى (ارنا اتاۋىنىڭ جانىنداعى ارنايى بەلگى) بار. جازىلۋشىلار وسى ارقىلى اقپاراتتىڭ سەنىمدى ەكەنىنە كوز جەتكىزەدى. رەسپۋبليكالىق كوممۋنيكاتسيا ورتالىعى تاۋلىك بويى جۇمىس ىستەيدى. مەديتسينا سالاسىنداعى ساراپشىلارمەن سۇحبات ۇيىمداستىرىلىپ، ولار كوروناۆيرۋس ينفەكتسياسىنىڭ الدىن الۋ، بەكىتىلگەن ەمدەۋ حاتتامالارى، كۆي انىقتالعان جاعدايدا نە ىستەۋ كەرەكتىگى جونىندە مالىمەت بەرەدى. مۇندا ايتىلعان اقپاراتتىڭ ءبارى coronavirus2020.kz رەسمي سايتىندا جانە Coronavirus2020.kz Telegram-ارناسىندا جاڭالىق، ينفوگرافيكا جانە ۆيدەوگرافيكا تۇرىندە جاريالانادى.

تاعى ءبىر ماڭىزدى جۇمىستىڭ ءبىرى – قر ءپا جانىنداعى ورتالىق كوممۋنيكاتسيالار قىزمەتىنىڭ كۇن سايىنعى بريفينگى. تج ەنگىزىلگەن ۋاقىتتان باستاپ (16 ناۋرىزدان) وكق الاڭىندا ونلاين رەجيمدە 143 ءباسپاسوز شاراسى ۇيىمداستىرىلىپ، كوروناۆيرۋس جاعدايى مەن ەنگىزىلگەن كارانتيندىك شارالار تۋرالى ايتىلدى. شىلدە باستالعالى وكق الاڭىندا مەديتسينا ساراپشىلارى، ورتالىق مەملەكەتتىك ورگانداردىڭ باسشىلارى، الماتى جانە نۇر-سۇلتان قالاسى اكىمدەرىنىڭ قاتىسۋىمەن 15 بريفينگ وتكىزىلدى.

وعان قوسا وبلىس اكىمدەرى مەن دەنساۋلىق ساقتاۋ باسقارماسى وكىلدەرى قاتىساتىن بريفينگتەر ورتالىق كوممۋنيكاتسيالار قىزمەتىنىڭ وڭىرلىك الاڭدارىندا دا وتكىزىلەدى. سپيكەرلەر كۆ جۇقتىرعان ناۋقاستارعا ەمحانا جاعدايىندا مەديتسينالىق كومەك كورسەتۋ، بەكىتىلگەن ەمدەۋ حاتتامالارى مەن كوروناۆيرۋستى دياگنوستيكالاۋ تۋرالى ايتىپ، ءتۇسىندىرۋ جۇمىستارىن جۇرگىزەدى. سوڭعى ۋاقىتتا بريفينگىلەرگە باق وكىلدەرى ZOOM بەينەكونفەرەنتس-بايلانىسى ارقىلى قوسىلىپ، سپيكەرلەرگە سۇراق قويا الاتىنداي مۇمكىندىك جاسالدى. جالپى، ءبىر بريفينگتىڭ وزىندە سپيكەرلەرگە باق پەن تۇرعىنداردان شامامەن 20-50 سۇراق قويىلادى. وكق-ءنىڭ ortcom.kz سايتى جۋرناليستەر عانا ەمەس، تۇرعىندار دا كۆي تۋرالى سەنىمدى اقپارات الاتىن نەگىزگى دەرەككوزدەردىڭ بىرىنە اينالدى. وعان سايت قولدانۋشىلارى سانىنىڭ ارتقانى دالەل.

 

 

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار