ايماقتار • 09 شىلدە، 2020

ماڭعىستاۋعا ءدارى-دارمەك جەتكىزىلەدى

115 رەت كورسەتىلدى

بۇل تۋرالى ونلاين-بريفينگتە ماڭعىستاۋ وبلىسىنىڭ اكىمى سەرىكباي ترۇموۆ مالىمدەدى. ايماق باسشىسىنىڭ ايتۋىنشا، ەلىمىز بويىنشا وزەكتى بولعان دارىحانالارداعى ءدارى-دارمەك جەتىسپەۋشىلىگى وڭىردە رەتتەلە باستادى، دەپ حابارلادى ماڭعىستاۋ وبلىستىق قوعامدىق كوممۋنيكاتسيا ورتالىعى.

ماڭعىستاۋ وبلىسىنا ءدارى-دارمەكتەردى تاسىمالداۋمەن 4 مەكەمە اينالىسادى. ولار "مەدسەرۆيس پليۋس" جشس، "ەميتي ينتەرنەشنل" جشس اقتاۋ قالالىق فيليالى، "ينكار-اكتاۋ" جشس جانە "ادا فارم-اكتاۋ" جشس مەكەمەلەرى.

6 شىلدە كۇنى "مەدسەرۆيس پليۋس"، "ەميتي ينتەرنەشنل"، "ينكار-اكتاۋ" مەكەمەلەرىنىڭ ارقايسىنا 90 م3/تەكشە مەتر كولەمىندە 1 جۇك كولىگىمەن، جالپى 3 جۇك كولىگىمەن ءدارى-دارمەكتەر جەتكىزىلدى. وسى كۇندەرى تۇرعىنداردىڭ قولجەتىمدىلىگىن ارتتىرۋ ماقساتىندا ءدارى-دارمەكتەر ارنايى تىركەۋدەن ءوتىپ، وڭىردەگى دارىحانالارعا تاراتىلىپ جاتىر. سونىمەن بىرگە، "ادا فارم-اكتاۋ" جشس ءوزىنىڭ 22 ءدارىحاناسىن قامتاماسىز ەتۋدە.

10 شىلدە كۇنى "مەدسەرۆيس پليۋس" مەكەمەسىنە كەزەكتى جۇك كولىگىمەن قوسىمشا تاعى دا ءدارى-دارمەكتەر كەلەدى. سونىمەن قاتار، كاسىپكەرلەردىڭ قولداۋىمەن رەسەي فەدەراتسياسى استراحان قالاسىنان ءدارى-دارمەكتى جەتكىزۋ جۇمىستارى جۇرگىزىلۋدە. "ەرساي كاسپيان كونتراكتور" جشس دە ءدارى-دارمەك ءۇشىن قارجىلاي دەمەۋشىلىك كورسەتۋگە دايىن ەكەندىگىن ءبىلدىردى.

بۇل باعىتتا ماڭعىستاۋ وبلىسىنىڭ اكىمدىگى، وبلىستىق پروۆيزورلار مەن فارماتسەۆتتەر قاۋىمداستىعى جانە تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى اراسىندا دارىلىك زاتتارعا قاجەتتىلىكتىڭ وسۋىنە قاتىستى ماسەلەلەر بويىنشا ىنتىماقتاستىق تۋرالى مەموراندۋم جاساقتالدى. وسىعان وراي، دارىحانالارداعى ءدارى-دارمەكتىڭ باعاسىن رەتتەۋ ماقساتىندا قالالار مەن اۋدانداردا "ماڭعىستاۋ-ادالدىق الاڭى" جوبالىق كەڭسەسىمەن جانە قۇقىق قورعاۋ ورگاندارىمەن بىرلەسكەن ارنايى مونيتورينگتىك توپتار قۇرىلدى. ولار ۇنەمى رەيدتىك شارالار جاساپ، باعانىڭ نەگىزسىز ءوسۋىن بولدىرماۋ ءۇشىن جۇمىستاناتىن بولادى. بۇگىنگى كۇنى 3 زاڭدى تۇلعاعا قاتىستى شارا قابىلدانۋدا.

"بۇل باعىتتا وبلىس تۇرعىندارىن دا بارىنشا ازاماتتىق جاۋاپكەرشىلىك تانىتۋعا شاقىرامىز. ەگەر دە دارىحانالارداعى نەگىزسىز كوتەرىلگەن ءدارى باعالارىن بايقاساڭىزدار ماڭعىستاۋ وبلىستىق ەكونوميكالىق تەرگەۋ دەپارتامەنتىنىڭ كەلەسىدەي  تەلەفوندارىنا حابارلاسۋىڭىزدى سۇرايمىن –40 34 01، 8 702 561 6668، 8 775 195 7171، 8 707 573 1295، 8 707 405 0051. سونىمەن بىرگە، "ماڭعىستاۋ-ادالدىق الاڭى" جوبالىق كەڭسەسىنە 8 775 222 7292 بايلانىس نومىرىنە ۆاتساپ جەلىسى ارقىلى جولداي الاسىزدار"، دەدى س.ترۇموۆ.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار