ايماقتار • 09 شىلدە، 2020

"قاراعاندى – بالقاش" جولىنا ءۇش مىڭنان استام ادام جۇمىلدىرىلدى

111 رەت كورسەتىلدى

قاراعاندى وبلىسىندا ۇزىندىعى 363 شاقىرىمدى قۇرايتىن رەسپۋبليكالىق ماڭىزى بار "قاراعاندى-بالقاش" اۆتوموبيل جولىن قايتا جاڭارتۋ جۇمىستارى جالعاسۋدا. جوبا ءوڭىردىڭ الەۋمەتتىك-ەكونوميكالىق دامۋىنا ىقپال ەتىپ، 3 مىڭنان استام ادام جۇمىسپەن قامتىلاتىن بولادى. بۇل تۋرالى يدم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

قۇرىلىس جۇمىستارىن "سپ كازگەرستروي" جانە CITIC Construction Co.Ltd. كومپانيالارى جۇرگىزىپ جاتىر. قازىرگى تاڭدا تاسجولدىڭ بارلىق ۋچاسكەلەرى قايتا جاڭارتىلۋدا. ماماندار جەر قاباتىن دايىنداپ، اسفالت-بەتون جابىندىسىنىڭ تومەنگى جانە جوعارعى قاباتتارىن توسەۋدە. جۇمىستار جولدىڭ جاڭا جولاعىندا جۇرگىزىلىپ جاتقانىمەن، قولدانىستاعى جول جاڭا جولاقتاعى قۇرىلىس جۇمىستارى اياقتالمايىنشا بۇزىلمايدى.

جوباعا سايكەس تاسجول 4 جولاعى بار ءى-ب تەحنيكالىق ساناتىنداعى جولعا ساي بولماق. جولدى كەڭەيتۋ ۋچاسكەلەردەگى اپاتتىلىق دەڭگەيىن ەداۋىر تومەندەتىپ، جولدىڭ اۆتوكولىكتى وتكىزۋ قابىلەتىن ارتتىرا تۇسەدى. بۇدان بولەك، جولدى قايتا جاڭارتۋ اياسىندا 28 كوپىر مەن جول وتپەلەرىنىڭ، 377 سۋ وتكىزگىش قۇبىردىڭ، ەلدى مەكەندەر ماڭىنداعى دەمالىس ورىندارى مەن اۆتوپاۆيلونداردىڭ قۇرىلىسى قاراستىرىلعان.

بۇگىنگى تاڭدا مۇنداعى جۇمىستارعا تەحنيكانىڭ 1366 بىرلىگى جۇمىلدىرىلدى. قايتا جاڭارتۋ جۇمىستارى باستالعان كەزدە اتالمىش جوبا اياسىندا 3282 جۇمىس ورنى قۇرىلعانىن ايتا كەتۋ كەرەك.

جاڭا جولدا كولىك قوزعالىسى جىل سوڭىنا دەيىن اشىلادى.

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار