قوعام • 09 شىلدە، 2020

قازاقستاندىقتاردىڭ مۇگەدەكتىك مەرزىمى 3 ايعا سوزىلدى

260 رەت كورسەتىلدى

ەڭبەك جانە حالىقتى الەۋمەتتىك قورعاۋ مينيسترلىگى مۇگەدەكتىك مەرزىمىن اۆتوماتتى تۇردە 3 ايعا ۇزارتۋ تۋرالى بۇيرىق قابىلدادى، دەپ حابارلادى مينيسترلىكتىڭ ءباسپاسوز قىزمەتى.

بۇگىنگى كۇنى 28 867 ازاماتقا مۇگەدەكتىك مەرزىمى ۇزارتىلدى.

بۇل شارا مەملەكەتتىك مەكەمەلەردە ادامداردىڭ جاپپاي جينالۋىنىڭ الدىن الۋعا جانە ازاماتتاردىڭ كوروناۆيرۋستىق ينفەكتسيانى جۇقتىرۋ قاۋپىن ازايتۋعا باعىتتالعان.

مۇگەدەكتىكتى، جالپى جانە كاسىپتىك ەڭبەك ەتۋ قابىلەتىنەن ايىرىلۋ دارەجەسىن، سونداي-اق وڭالتۋدىڭ جەكە باعدارلاماسىن اۆتوماتتى تۇردە ۇزارتۋ قايتا كۋالاندىرۋ مەرزىمى شەكتەۋ شارالارى كەزەڭىنە (اعىمداعى جىلعى 31 شىلدەنى قوسا العاندا) كەلگەن ازاماتتارعا قاتىستى بولدى. بۇل رەتتە جاردەماقى تولەۋ بۇرىن بەلگىلەنگەن مۇگەدەكتىك توبى بويىنشا جۇزەگە اسىرىلادى.

مۇگەدەكتىكتى العاش رەت بەلگىلەگەن جاعدايدا eGov.kz پورتالدا "ەلەكتروندىق وتىنىشتەر" بولىمىنە قۇجاتتاردىڭ سكانەرلەنگەن كوشىرمەلەرىمەن قوسا ءوتىنىم بەرۋ قاجەت.

16 جانە 18 جاسقا تولعان مۇگەدەك بالالارعا قاتىستى سىرتتاي قايتا كۋالاندىرۋ قاراستىرىلعان. ولارعا مۇگەدەكتىك قولدا بار قۇجاتتار نەگىزىندە جانە الدىڭعى كۋالاندىرۋعا سايكەس مۇگەدەكتىك دارەجەسىن ەسكەرە وتىرىپ بەلگىلەنەدى.

ەسىڭىزگە سالساق، العاش رەت مۇگەدەكتىك مەرزىمىن اۆتوماتتى تۇردە ۇزارتۋ قازاقستان اۋماعىندا توتەنشە جاعدايلار (بۇدان ءارى – تج) رەجىمىن ەنگىزۋ كەزىندە قابىلداندى. قايتا كۋالاندىرۋ مەرزىمى تج كەزەڭىنە جانە ودان ءبىر اي بۇرىن ۋاقىتقا (2020 جىلعى 15 اقپاننان باستاپ) قاتار كەلگەن ادامدارعا مۇگەدەكتىك 3 ايعا ۇزارتىلعان ەدى.

ايتا كەتەيىك، جىل سايىن 250 مىڭنان استام ازامات مەديتسينالىق-الەۋمەتتىك ساراپتامادان وتەدى. 2019 جىلى مۇگەدەكتىكتى بەلگىلەۋ جانە الەۋمەتتىك قورعاۋ شارالارىن انىقتاۋ قىزمەتىن 251 909 ادام الدى.

سوڭعى جاڭالىقتار

اتىراۋ وبلىسىندا 77 براكونەر انىقتالدى

ايماقتار • 23 قىركۇيەك، 2022

نوۆاك دجوكوۆيچ قازاقستانعا كەلەدى

تەننيس • 23 قىركۇيەك، 2022

اتىراۋدا قوناقۇيدەن ءورت شىقتى

وقيعا • 23 قىركۇيەك، 2022

ۇقساس جاڭالىقتار