مەملەكەت باسشىسى "بىرەۋگە جان قايعى..." بولىپ جاتقان تۇستا ءدارى-دارمەكتىڭ باعاسىن كوتەرىپ, الاياقتىقپەن پايدا كوكسەگەندەردىڭ جولىن كەسۋ شارالارىن, اششى دا بولسا, دەنساۋلىق ساقتاۋ جۇيەسىندەگى كەمشىن تۇستارعا جول بەرىلگەندىگىن بۇكپەسىز ءسوز ەتتى. ەندى وسى ەسكەرتپەدەن ناتيجە شىعارۋ اسا ماڭىزدى.
مەملەكەت باسشىسىنىڭ ءار وتانداسىنىڭ دەرتتەن قازا بولۋىنا قابىرعاسى قايىسىپ, ۇلتتىق ازا تۇتۋ كۇنىن بەلگىلەۋى دە ەل باسىنا تۇسكەن اۋىر سىناقتا كوپشىلىكتى سابىرعا شاقىرادى. "بۇل – وتە قاۋىپتى, باتپانداپ كىرىپ, مىسقالداپ شىعاتىن دەرت" ەكەنىن ەسكەرتىپ, بىرلىك پەن بىلىمگە جۇگىنۋدى ۇسىنادى.
قازىرگى تاڭدا اۋرۋعا قاتىستى جالعان اقپاراتتار پەن قاۋەسەتتەر كوبەيىپ كەتتى. پرەزيدەنتتىڭ وسى جاعدايدان ساقتاندىرىپ, كارانتين ەرەجەلەرىن قاتاڭ ساقتاۋعا ۇندەۋى قازىرگى تاڭداعى بىردەن-ءبىر ءتيىمدى ارەكەت بولىپ سانالادى. حالقىمىز "ساقتىقتا – قورلىق جوق" دەگەن دانالىقتى وسىنداي قيىن كەزەڭدەرگە بايلانىستى ايتسا كەرەك.
حاكىم اباي "...اۋرۋدى جاراتقان قۇداي, اۋىرتقان قۇداي ەمەس,- دەپ نانىپ, ۇقساڭ بولار", دەيدى جيىرما سەگىزىنشى قارا سوزىندە. سوندىقتان, “اۋىرىپ ەم ىزدەگەنشە, اۋىرماۋدىڭ جولىن ىزدەيىك" دەگىم كەلەدى.
دەر كەزىندە حالقىنىڭ جىگەرىن جانىعان ۇندەۋدىڭ تاعى ءبىر كوڭىلدەن شىعار تۇسى – مەملەكەت باسشىسىنىڭ جاعدايدىڭ ءسوزسىز تۇراقتالاتىنىنا سەنىم ءبىلدىرۋى. ەڭسەمىزدى تۇسىرمەي, ء"بىرىنشى بايلىعىمىز – دەنساۋلىعىمىز" جولىندا جانە ءار ازاماتتىڭ اماندىعى ءۇشىن ايانباي كۇرەسۋگە مىندەتتىمىز. ۇندەۋدىڭ باستى ماقساتى, دىتتەگەن ويى – وسى.
ەدىل مامىتبەكوۆ,
پارلامەنت سەناتىنىڭ دەپۋتاتى
