قازاقستان • 09 شىلدە، 2020

"سكۋتەر" اكتسياسى باستالعالى 791 كەمە تەكسەرىلدى

7 رەت كورسەتىلدى

يندۋستريا جانە ينفراقۇرىلىمدىق دامۋ مينيسترلىگى كولىك كوميتەتىنىڭ اقپاراتى بويىنشا، 2019 جىلدىڭ 1 ماۋسىمى مەن 31 تامىزى ارالىعىندا ەلىمىزدە "سكۋتەر" جىل سايىنعى رەسپۋبليكالىق اكتسياسى وتۋدە، دەپ حابارلادى يدم ءباسپاسوز قىزمەتى.

اكتسيا ماقساتى – شاعىن كولەمدى سۋ كولىگىن قاۋىپسىز پايدالانۋ، ەلىمىزدىڭ سۋ قويمالارىنداعى كوپشىلىك دەمالاتىن ايماقتار مەن ورىنداردا ادامداردىڭ ءومىرى مەن دەنساۋلىعىن ساقتاۋدى قامتاماسىز ەتۋ.

شارا باستالعان 1-ماۋسىمنان 28-نە دەيىن 791شاعىن كولەمدى كەمە (گيدروتسيكلدەر، كاتەرلەر، موتورلى كەمەلەر جانە ت.ب.) تەكسەرىلىپ، 124اكىمشىلىك قۇقىق بۇزۋشىلىق انىقتالدى. 22 شاعىن كولەمدى كەمەنى پايدالانۋعا تىيىم سالىندى. قۇقىق بۇزۋشىلىقتاردىڭ باسىم كوپشىلىگى الماتى، شىعىس قازاقستان جانە اتىراۋ وبلىستارىندا انىقتالدى.

قۇقىق بۇزۋشىلىقتاردىڭ نەگىزگى تۇرلەرىنە كەلسەك:

- جەكە قۇتقارۋ قۇرالدارىنسىز كەمەلەردى پايدالانۋ – 48 وقيعا;

- كەمەنى باسقارۋ قۇقىعىن بەرەتىن قۇجاتسىز پايدالانۋ - 16 وقيعا;

- كەمە قۇجاتتارىنسىز پايدالانۋ - 13 وقيعا;

- بەلگiلەنگەن تارتiپپەن تiركەلمەگەن نەمەسە بورت نومiرلەرi جوق كەمەلەردى باسقارۋ - 12 وقيعا.

ياعني، اكتسيا بارىسىندا انىقتالعان بۇزۋشىلىقتاردىڭ ەڭ كوپ فاكتىلەرى كەمەلەردى جەكە قۇتقارۋ قۇرالدارىنسىز پايدالانۋعا قاتىستى بولدى. ال ولاردىڭ بولماۋى ادامداردىڭ، اسىرەسە بالالاردىڭ قاۋىپسىزدىگىنە تىكەلەي قاۋىپ توندىرەتىنى تۇسىنىكتى. 

كولىك كوميتەتىنىڭ اۋماقتىق ورگاندارى كەمە يەلەرىمەن، شاعىن كولەمدى كەمەلەردىڭ بازا-تۇراقتارىنىڭ جانە دەمالىس ايماقتارى يەلەرىمەن شاعىن كولەمدى فلوتتى قاۋىپسىز پايدالانۋدى رەتتەيتىن زاڭناما تالاپتارىن ءتۇسىندىرۋ بويىنشا پروفيلاكتيكالىق جۇمىستار جۇرگىزدى.

سونىمەن بىرگە، قاۋىپسىزدىكتى قامتاماسىز ەتۋ ءۇشىن وبلىس اكىمدىكتەرىنە ادامدار دەمالاتىن جانە شاعىن ولشەمدى فلوت پايدالانىلاتىن سۋ ايدىندارىندا شاعىن ولشەمدى كەمەلەردىڭ كەلۋى ءۇشىن قورشايتىن بۋيلار مەن ورىندار جاساۋ جونىندە شارالار قابىلداۋ ءۇشىن ءتيىستى ۇسىنىمدار جولداندى.

ەسكە سالا كەتەيىك، "سكۋتەر" رەسپۋبليكالىق اكتسياسى – سۋ كولىگىن قاۋىپسىز پايدالانۋدى قامتاماسىز ەتۋ ماقساتىندا كولىك كوميتەتى ىسكە اسىراتىن 2020 جىلعا ارنالعان فلوتتاعى اپاتتىڭ الدىن الۋ جونىندەگى ءىس-شارالار جوسپارىنىڭ ءبىر بولىگى.

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار