پرەزيدەنت • 08 شىلدە، 2020

قوعام الدىندا ەشنارسەنى جاسىرماي، اشىق ايتامىز - پرەزيدەنت

249 رەت كورسەتىلدى

بۇل تۋرالى رەسپۋبليكالىق تەلەارنالار ارقىلى ەلىمىزدە قالىپتاسقان احۋالعا بايلانىستى ۇندەۋ جاساعان پرەزيدەنت قاسىم-جومارت توقاەۆ ايتتى.

"قوعام الدىندا ەشنارسەنى جاسىرماي، اشىق ايتامىز. بولاشاقتا دا سولاي بولادى. بۇكىل كۇش جىگەرىمىزدى جيناپ، ىندەتپەن كۇرەسە بەرۋىمىز كەرەك. وسىنداي كۇردەلى جاعداي كەزىندە ەل اراسىندا كوپتەگەن جالعان اڭگىمەلەر تاراۋدا، تەرىس اقپارات تاراتىپ جۇرگەن ارام پيعىلدى ادامداردىڭ ارەكەتتەرى ورىن الۋدا.

وكىنىشكە قاراي، كەيبىر ازاماتتار جالعان اقپاراتقا سەنەتىن بولدى.  سونىمەن قاتار، تاعى ءبىر ماڭىزدى ماسەلە. دارىگەرلەرىمىز بۇقارالىق اقپارات قۇرالدارى ارقىلى ازاماتتارعا ناقتى، ءبىرىزدى مالىمەت بەرۋى كەرەك. دەرتتى ەمدەۋدىڭ نەشە ءتۇرلى جولدارىن كورسەتىپ، ادامداردىڭ دەنساۋلىعىنا قاۋىپ توندىرۋگە بولمايدى.

بۇنداي ارەكەتتەرگە توسقاۋىل قويۋ كەرەك. قىلمىستىق كودەكستىڭ 174-بابىنا سايكەس جالعان اقپارات تاراتقان ادام جاۋاپقا تارتىلادى.

قۇقىق قورعاۋ ورگاندارى ەل ىشىندەگى وسىنداي جونسىزدىككە قاتىستى قاتاڭ شارالار قولداناتىن بولادى. سول سياقتى ءدارى-دارمەكتىڭ باعاسىن بىرنەشە ەسە ءوسىرىپ، قالىپتاسقان جاعدايدى ءوز ماقساتىنا پايدالانعىسى كەلگەن الىپساتارلاردى دا قۇقىق قورعاۋ ورگاندارى مەنىڭ تاپسىرماما سايكەس جاۋاپقا تارتا باستادى.

قازىر مەملەكەتتىك ورگاندار ەلدى مەكەندەردى قاجەتتى ءدارى دارمەكپەن تولىق قامتاماسىز ەتۋدە. وسىعان وراي، ءتيىستى قور جاساقتالعان. توسەك ورىندارى دا، مەديتسينالىق قىزمەت كورسەتۋ ءىسى دە  تولىعىمەن قامتاماسىز ەتىلەدى"، دەدى پرەزيدەنت.

سوڭعى جاڭالىقتار

ۇقساس جاڭالىقتار