دەپارتامەنت باسشىسىنىڭ ءبىرىنشى ورىنباسارى تالعار سەرىكباەۆ ەفير قوناعىمەن, سىبايلاس جەمقورلىققا قارسى قىزمەتىمەن جوسپارلانعان جۇمىستارمەن تانىستىردى.
ونىڭ ايتۋىنشا دارىحانالارداعى ءدارى-دارمەكتەردىڭ جەتىسپەۋشىلىگى مەن باعاسىنىڭ قىمباتتاۋىنىڭ الدىن الۋ مەن تۇرعىندار اراسىندا ءتۇسىندىرۋ جۇمىستارىن جۇرگىزۋ ماقساتىندا قالادا ارنايى جۇمىسشى توپ قۇرىلعان.
"توپ قۇرامىنا شىمكەنت قالاسى بويىنشا سىبايلاس جەمقورلىققا قارسى قىزمەتىنىڭ قىزمەتكەرلەرىمەن قاتار دەنساۋلىق ساقتاۋ باسقارماسى مەن دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسىن باقىلاۋ دەپارتامەنتىنىڭ, "شىمكەنت-ادالدىق الاڭى" جوبالىق كەڭسەسى مەن ارنايى مونيتورينگتىك توپتىڭ جانە جاستار ءماسليحاتى وكىلدەرى مەن قوعام بەلسەندىلەرى ەنگىزىلىگەن.
ماقساتى – ءدارى-دارمەك تاپشىلىعى ماسەلەلەرى مەن تۇرعىندار اراسىندا ءتۇسىندىرۋ جۇمىستارىن جۇرگىزۋ بولىپ تابىلادى. بۇگىننەن باستاپ مونيتورينگ جۇمىستارى باستاۋ الدى. ورىن العان جاعدايلار بويىنشا تالداۋ جۇرگىزۋ ماقساتىندا ءتيىستى سۇراۋلار ۋاكىلەتتى ورگاندارعا جولداندى" - دەدى ول.
سونىمەن قاتار, سپيكەر اپتاسىنا 3 رەت وسى توپتىڭ اتقارعان جۇمىسىمەن تانىستىرىپ وتىراتىندىعىن جەتكىزدى.
"قالاداعى جەكەمەنشىك ءدارىحانالاردا ءدارى-دارمەك جەتىسپەۋشىلىگى بايقالۋدا. بۇل ماسەلەلەر دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسىن باقىلاۋ شىمكەنت قالاسى بويىنشا دەپارتامەنتىمەن باقىلانادى. قازىرگى تاڭدا مەديتسينالىق مەكەمەلەرمەن كۇندىزگى ستاتسيونارلار جۇمىسىن كۇشەيتكەندىكتەن ءدارى-دارمەك ماسەلەسى ءبىرىنشى ورىندا" - دەدى گاۋحار الىبەكوۆا.
ءبولىم باسشىسىنىڭ ايتۋىنشا ستاتسيونارلىق كومەك شەڭبەرىندە قالانىڭ مەديتسينالىق ۇيىمدارى 6 288,29 ملن.تەڭگە سوماسىنا دارىلىك زاتتار مەن مەديتسينالىق بۇيىمداردىڭ 784 اتاۋى بويىنشا قاجەتتىلىكتى مالىمدەگەن.بىرىڭعاي ديستريبيۋتور 5 926,82 ملن.تەڭگە سوماسىنا دارىلىك زاتتار مەن مەديتسينالىق بۇيىمداردى 756 پوزيتسيا بويىنشا ساتىپ الۋدى جۇزەگە اسىرعان.
ايتا كەتەيىك, كەز-كەلگەن قالا تۇرعىنى ءدارىنى قىمباتقا قاي ءدارىحانادان, قانداي باعاعا العانى تۋرالى فوتو جانە ۆيدەو تۇرىندەگى اقپاراتتى 8702 000 24 94 جانە 8775 306 78 50 WhatsApp نومىرلەرىنە جولداي الادى. جانە كەلىپ تۇسكەن اقپاراتتار, ۆيدەولار جاريالانباي, قىزمەتتىك ماقساتتا پايدالانىلادى.
