قازاقستان • 07 شىلدە، 2020

"سامۇرىق-قازىنا" ۇاق" اق مەن احقو ءوزارا تۇسىنىستىك تۋرالى مەموراندۋمعا قول قويدى

7 رەت كورسەتىلدى

"سامۇرىق-قازىنا" ۇاق" اق باسقارما توراعاسى احمەتجان ەسىموۆ پەن "استانا" حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ ءوزارا تۇسىنىستىك تۋرالى مەموراندۋمعا قول قويدى. بۇل تۋرالى "سامۇرىق-قازىنا" ۇاق" اق قوعاممەن بايلانىس جانە ماركەتينگتىك كوممۋنيكاتسيالار جونىندەگى دەپارتامەنتىنە سىلتەمە جاساي وتىرىپ Egemen.kz حابارلايدى.

دەپ حابارلايدى Egemen.kz.

قۇجاتقا سايكەس، تاراپتار اتاپ ايتقاندا، احقو بيرجاسىندا قور كومپانيالارى اكتسيالارىنىڭ ليستينگى ماسەلەلەرى بويىنشا تىعىز ىنتىماقتاسۋعا جانە كەڭەس بەرۋگە نيەت ءبىلدىردى.

"جەكەشەلەندىرۋ باعدارلاماسىن اياقتاۋ  "سامۇرىق-قازىنا" قورى ءۇشىن  باستى مىندەتتەردىڭ ءبىرى بولىپ تابىلادى جانە قور احقو-نىڭ دامۋىنا اسا مۇددەلى. "قازاتومونەركاسىپ "عالامدىق دەپوزيتارلىق قولحاتتارىن ورنالاستىرۋ تاجىريبەسى ونىڭ كەلەشەكتە بيرجالىق الاڭ رەتىندە باسىمدىعىن كورسەتتى"، - دەپ اتاپ ءوتتى قور باسقارماسىنىڭ توراعاسى احمەتجان ەسىموۆ. 

ىنتىماقتاستىق بارىسىندا قوردىڭ كومپانيالار توبى جاساعان شارتتاردا داۋلاردى شەشۋ ينستيتۋتى رەتىندە احقو حالىقارالىق تورەلىك ورتالىعى مەن سوت ەسكەرتپەلەرىن ەنگىزۋ ارقىلى احقو يۋريسديكتسياسىن بەلسەندى قولدانۋ كوزدەلەدى. 

سونىمەن قاتار، قور مەن  احقو-نىڭ ەكسپات ورتالىعى جانە ۇزدىكسىز كاسىبي دامۋ بيۋروسىنىڭ مۇمكىندىكتەرىن پايدالانۋعا جانە قارجىلىق تەحنولوگيالار، Big Data جانە احقو-نىڭ فينتەح-يننوۆاتسيانى رەتتەۋشى سالاسىندا ىنتىماقتاستىق ورناتۋعا  نيەت ءبىلدىردى. 

ء"بىزدىڭ پلاتفورمانىڭ مۇمكىندىكتەرى مەن قىزمەتى تەزدەتىلگەن تسيفروۆيزاتسيا ارقىلى سۇرانىس تابادى. بۇل كراۋدفاندينگقا دا، تسيفرلىق پلاتفورمالار ارقىلى سان ءتۇرلى كومەك الۋ، تسيفرلىق بانكتەر، ۇزدىكسىز ءبىلىم الۋ ترەندى، ياعني ءداستۇرلى ۋنيۆەرسيتەتتەردىڭ تولىقتاي ونلاين پلاتفورماسىن مەڭگەرۋىنە تيەسىلى. ءبىز فوندقا ءبىزدىڭ الاڭىمىزدى جانە قورلارىمىزدى قولدانۋدا بارىنشا كومەك كورسەتۋگە دايىنبىز"، - دەدى احقو باسقارۋشىسى  قايرات كەلىمبەتوۆ. 

قور مەن احقو جەكەشەلەندىرۋدىڭ 2016-2020 جىلدارعا ارنالعان كەشەندى جوسپارى اياسىندا تابىستى ىنتىماقتاستىقتا ەكەنىن ەسكە سالايىق. AIX الاڭىندا "قازاتومونەركاسىپ" اكتسيالارى ءcاتتى IPO شىعارىلدى: 2018 جىلى 15% اكتسياسى جانە 2019 جىلى 3،8% اكتسياسى،  2020 جىلى 6،28%  قوسىمشا ورنالاستىرىلدى (SPO). 

وسىلايشا، حالىقارالىق ينۆەستورلار اكتيۆتەرگە دەگەن ۇلكەن قىزىعۋشىلىق تانىتتى: AIX-تا ورنالاسقان 4،3 ملن گلوبالدى دەپوزيتارلىق  "كازاتومپروم" قولحاتتارىنىڭ ىشىنەن، شەتەلدىك ينستيتۋتسيونالدى ينۆەستورلار 2،5 ملن GDR ساتىپ الدى.

سوڭعى جاڭالىقتار

ۇقساس جاڭالىقتار