جوبانىڭ نەگىزگى ماقساتى ازاماتتاردىڭ قۇقىقتىق ساۋاتتىلىعىن ارتتىرۋ, سونداي-اق ومىرلىك ماڭىزى بار ماسەلەلەردى شەشۋدە حالىقتىڭ الەۋمەتتىك وسال توپتارىنا زاڭگەرلىك كومەك كورسەتۋ بولىپ تابىلادى.
وڭىرلەردە جوبانىڭ كەڭ اۋقىمدى جۇمىس ىستەۋى ءۇشىن اگەنتتىك تاجىريبەسى بار ادۆوكاتتاردى, ەلىمىزدىڭ جەتەكشى زاڭگەرلەرى مەن قۇقىقتانۋشىلارىن تارتۋدا.
بۇل قوعامنىڭ الەۋمەتتىك وسال توپتارىنا تەگىن كەڭەس بەرۋ ءۇشىن ساراپشىلىق قاۋىمداستىقتى بىرىكتىرگەن كەڭ جانە اشىق الاڭ قۇرۋعا مۇمكىندىك بەردى.
جوبا بارىسىندا ۆولونتەر-زاڭگەرلەر تانىمال الەۋمەتتىك جەلىلەردە 1000 ونلاين-كەڭەس وتكىزىپ, ازاماتتاردان كەلىپ تۇسكەن 11 000-عا جۋىق پروبلەمالىق ماسەلەلەردى شەشتى.
"Adal kómek" جوباسى شەڭبەرىندە ءجيى قويىلاتىن سۇراقتارعا جاۋاپ الۋ ماقساتىندا اگەنتتىكتىڭ جانە ونىڭ اۋماقتىق دەپارتامەنتتەرىنىڭ الەۋمەتتىك جەلىلەرىندەگى رەسمي بەتتەرىندە ءتۇسىندىرۋ سيپاتىنداعى 79 بەينەروليك ورنالاستىرىلعان.
جالپى, جوبا ىسكە قوسىلعان ساتتەن باستاپ قۇقىقتىق اعارتۋمەن 893 000 ازامات قامتىلعان.
اعىمداعى جىلدىڭ شىلدە ايىندا پاۆلودار, باتىس قازاقستان, اقتوبە, قىزىلوردا جانە الماتى وبلىستارىنىڭ تۇرعىندارى ءۇشىن ا. وماروۆانىڭ ونلاين-كونسۋلتاتسياسىن وتكىزۋ جوسپارلانعانىن ەستەرىڭىزگە سالامىز.
