ايماقتار • 07 شىلدە، 2020

الماتىدا ىندەت ءورشىپ تۇر

577 رەت كورسەتىلدى

كۇن وتكەن سايىن الماتىدا ەپيدەميالىق جاعداي كۇردەلەنىپ بارا جاتقانى قازىر ەشكىمگە دە قۇپيا ەمەس. مەگاپوليستە كوروناۆيرۋس جۇقتىرعاندار سانى 6 مىڭنان اسىپ جىعىلدى. وكىنىشكە قاراي بۇل سان ءوسىپ بارادى. قالادا ءدارى-دارمەك، دارىگەرلەر، جەدەل جاردەم، اۋرۋحانالاردا ورىن جەتىسپەۋشىلىگى بار.

دۇيسەنبىدە قالا اكىمى با­قىت­جان ساعىنتاەۆ الماتى­داعى ەپيدەميالىق جاع­دايدى تۇراقتاندىرۋ ءۇشىن قابىلدانىپ جاتقان شارالار لەگىن ەگجەي-تەگجەيلى بايانداپ، جۋر­نا­ليستەردىڭ ساۋالدارىنا جاۋاپ بەردى.

قالا اكىمى ونلاين-بريفينگ وتكىزىپ جاتقان كەزدە الماتىدا ىندەت جۇقتىرعانداردىڭ ناق­تى سانى 6202-گە جەتىپ، كورونا­ۆيرۋستىڭ كۇن سايىنعى ءورشۋى 1،1 پايىزدى قۇرادى. بۇل كۇندەرى ينفەكتسيالىق ستاتسيونارلاردا 1772 ادام ەمدەلىپ جاتىر. مەگاپوليستەگى ناۋقاستاردىڭ 349-ىنىڭ جاعدايى اۋىر بولسا، 24-ءى حال ۇستىندە. 1264 ناۋ­قاستىڭ دەنساۋلىعى ورتاشا دەپ باعالانسا، 135 ادام ءتاۋىر بولىپ كەلەدى. دەگەنمەن جاعدايى قيىن جانە اۋىر پاتسيەنتتەردىڭ سانى ارتىپ بارادى. ءوز كەزەگىندە پنەۆمونيا كەسەلىنە شالدىققان الماتىلىقتار قاتارى كۇرت كو­بەيگەن. وتكەن جىلدىڭ وسى ۋا­عىمەن سالىستىرعاندا تىنىس جولى اۋرۋلارىنان كوز جۇم­عاندار سانى 68،6 پايىزعا ءوسىپتى.

«الماتىداعى جۇقپالى اۋرۋلار ستاتسيونارلارىنا كۇن­دەلىكتى 100-دەن استام ادام كەلىپ تۇسەدى. ينفەكتسيالىق اۋرۋ­لار­دى ەمدەيتىن مۇنداي مەكە­مەلەردىڭ جۇكتەمەسى 85% قۇ­رايدى. مىندەت – 1 قىركۇيەككە دەيىن جۇقپالى جانە ۋاقىتشا اۋرۋ­حانالارداعى ورىندى 6 مىڭ توسەك-ورىنعا دەيىن ارتتىرۋ»،  دەدى ب.ساعىنتاەۆ.

قالا باسشىسى ەڭ باستى ماقسات اۋىرعان ادامداردىڭ بارلىعىنىڭ ەمدەلۋىنە جاعداي تۋدىرۋ ەكەنىن اتادى. بۇل ماسە­لەدە الماتى بيلىگى ارەكەتسىز وتىر دەپ ايتۋعا بولمايدى.

ب.ساعىنتاەۆ ءبىرىنشى كەزەكتە مەملەكەت باسشىسىنىڭ ستاتسيونارلى كومەك الۋعا قولجە­تىمدىلىكتى ارتتىرۋ جونىندەگى تاپ­سىرماسى ورىندالاتىنىنا سەن­دىرىپ، وسى اپتانىڭ سوڭىنا دەيىن اۋرۋ­حانالاردا قوسىمشا 500 ورىن اشىلاتىنىن جەتكىزدى.

قالادا كوروناۆيرۋس ين­فەكتسياسىنىڭ تارالۋىن بولدىرماۋ بويىنشا بارلىق باعىتتا بەلسەندى جۇمىستار جۇرگىزىلىپ، امبۋلاتورلىق دەڭگەيدە «ۆيرتۋالدى ينفەكتسيالىق اۋرۋحانا» اشىلدى.

سونىمەن بىرگە COVID-19 جۇق­تىرعان دارىگەرلىك كومەككە مۇقتاج ناۋقاستاردى تاۋلىك بويعى رەجىمدە تاۋەكەل توبىنداعى ناۋ­قاس­تاردىڭ اسقىنۋلارىنىڭ دامۋىن امبۋلاتورلىق دەڭگەيدە باقىلايتىن مونيتورينگ ور­تالىعى جۇمىسىن باستادى. اتال­عان شارالار جاعدايى اۋىر ناۋقاستاردى، اسىرەسە قارت ادام­داردى باقىلاۋدا ۇستاۋعا مۇم­كىندىك بەرەدى.

«ەپيدەميامەن كۇرەستە تۇ­بەگەيلى ماسەلە – بارلىق اۋىر­عان ادامداردىڭ ەم الۋى ءۇشىن قو­سىمشا توسەكتىك ورىن قورىن قۇرۋ. بۇگىندە قالادا كوروناۆيرۋسپەن كۇرەسكە قۋاتى 3 340 توسەكتىك ورىنعا شاقتالعان 19 ستاتسيونار جۇمىلدىرىلىپ، اۋرۋ­حانالارداعى ورىن 7 ەسەگە كوبەيگەن. پسيحيكالىق دەن­ساۋلىق ورتالىعىنىڭ نەگىزىندە قوسىمشا 150 ورىن، ۋرولوگيا عىلىمي  ورتالىعىنىڭ نەگىزىندە 150 ورىن اشىپ، Halyk Arena بازاسىنىڭ نەگىزىندە 200 ورىندى  كەزەڭىمەن 1000-عا دەيىن ۇلعايتۋ كوزدەلىپ وتىر. وسىلايشا، وسى اپتانىڭ سوڭىنا دەيىن قوسىمشا 500 توسەكتىك ورىن ازىرلەنەدى. سونى­مەن بىرگە Halyk Arena بازا­سىنىڭ نەگىزىندە جان ساقتاۋ ءبولىمى، ءتيىستى قۇرالدارى  بار تولىققاندى ستاتسيونار اشىلادى، ناۋقاستارعا وتتەگى ورىندارى قولجەتىمدى بولادى»، دەدى قالا باسشىسى.

العاشقى مەديتسينالىق ساني­تارلىق كومەك نىساندارىنىڭ دەڭگەيىندە ءموبيلدى بريگادالار كۇشەيتىلۋدە، ولاردىڭ قۇرامىنا ءبولىم مەڭگەرۋشىلەرى، ينفەكتسيو­نيست دارىگەرلەر، ەپيدەميولوگتەر، ۋچاسكەلىك دارىگەرلەر جانە مەيىربيكەلەر ەنگەن. قازىرگى ۋاقىتتا 72 بريگادا موبيليزا­تسيالاندى جانە امسك 297 قىز­مەتكەرى جۇمىلدىرىلدى.

 

الماتى

سوڭعى جاڭالىقتار

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ەگىنگە وراق ەرتە ءتۇستى

قوعام • بۇگىن، 06:33

جەزقازعانعا گاز جەتكەندە...

ەكونوميكا • بۇگىن، 06:31

«ينتەر» – جارتىلاي فينالدا!

سپورت • بۇگىن، 02:50

ۇقساس جاڭالىقتار