“الماتى-2050” ستراتەگياسىندا بەلگىلەنگەن مىندەتتەرگە سايكەس, قالا اكىمشىلىگىنىڭ قىزمەتىندە باسىمدىق بەرىلگەن باعىتتارىنىڭ ءبىرى قالادا قولايلى ورتا قالىپتاستىرۋ بولىپ تابىلادى. الماتى قالاسىنىڭ اكىمى باقىتجان ساعىنتاەۆتىڭ تاپسىرماسىمەن قالانى اباتتاندىرۋ بويىنشا جۇمىستار بەلسەندى تۇردە جۇرگىزىلۋدە جانە ءتۇرلى جوبالار, اتاپ ايتقاندا, "جۇمىسپەن قامتۋدىڭ جول كارتاسى" جانە "قاتىسۋ بيۋدجەتى" باعدارلامالارىنىڭ اياسىندا جۇزەگە اسىرىلۋدا.
"بۋديوننىي" سكۆەرىنىڭ جالپى اۋماعى 1,1 گا قۇرايدى, كەسپە (برۋسچاتكا)جابىنىنىڭ اۋماعى – 2150 شارشى مەتردى, اسفالت جابىنىنىڭ اۋماعى – 1 579 شارشى مەتردى قۇرايدى. تۇرعىندار ءۇشىن سكۆەردە قولايلىلىق جانە قاۋىپسىزدىك جاساۋ ءۇشىن ونىڭ اۋماعىنا زاماناۋي 50 LED جارىقشامدارى ورناتىلعان. سونىمەن بىرگە, 16 جاتتىعۋ قۇرىلعىلارى بار ۆوركاۋت الاڭداردىڭ 4 ءتۇرى بار.
"ماياك" سكۆەرىندە فۋتبول الاڭى, ستريت-بولل الاڭى, سونداي-اق, جاتتىعۋ قۇرالدارى بار 2 ۆوركاۋت الاڭى بار.
سونىمەن بىرگە, مەرەكە قارساڭىندا جامبىل كوشەسى بويى مەن قوجامقۇلوۆ كوشەسىنىڭ بۇرىشىنداعى ۋچاسكەنى اباتتاندىرۋ جۇمىستارى اياقتالدى. الاڭدا سكەيتتە, ساموكاتتا سىرعاناۋ, ۆەلوسيپەد تەبۋ سياقتى زاماناۋي سپورت تۇرلەرىمەن اينالىسۋ ءۇشىن بارلىق جاعدايلار جاسالعان.
الماتى قالاسىنىڭ اكىمى باقىتجان ساعىنتاەۆتىڭ تاپسىرماسى بويىنشا قالانى اباتتاندىرۋ بويىنشا كەشەندى جۇمىستار جۇرگىزىلىپ جاتقانىن ەسكە سالامىز. 2019 جىلى 140-تان استام كوشە جوندەلدى, 2020 جىلى - 200 كوشەنى جوندەپ, تۇرعىندارعا قولايلى بولۋ ءۇشىن جەر ءۇستى جاياۋ جۇرگىنشىلەر وتەتىن جولاردى سالۋ جوسپارى بار. 11 جوبانى جۇزەگە اسىرۋ باستالدى, ولاردىڭ اراسىندا ساياباقتاردى, سكۆەرلەر مەن كوشەلەردى اباتتاندىرۋ, وزەن ارنالارىنىڭ ۋچاسكەلەرىن رەكونسترۋكتسيالاۋ جانە باسقالارى بار.
