اشىلۋ سالتاناتىنا قاتىسقان وبلىس اكىمىنىڭ ورىنباسارى ساكەن قالقامانوۆ ەلوردا كۇنىنە وراي كەنتاۋ قالاسىندا بىرنەشە نىسان پايدالانۋعا بەرىلگەنىن اتاپ ءوتتى.
"سونىڭ اراسىندا شوقتىعى بيىگى بيىل مەرەيتويى اتالىپ جاتقان قازاقتىڭ ماقتانىشى, ۇلى دانىشپانى ابايعا ارنالعان ەسكەرتكىشتىڭ اشىلۋى. بۇل نىساننىڭ كەنتاۋلىقتارعا, جاستارعا يدەولوگيالىق, تاربيەلىك ءمانى زور. وسىندا كەنتاۋلىق جاستار اقىننىڭ ولەڭدەرىن, قارا سوزدەرىن وقيتىن بولادى. بۇگىن قالادا اشىلعان جاڭا نىساندار ەلدىڭ يگىلىگىنە جاراي بەرسىن", - دەدى ساكەن امانگەلدى ۇلى.
سونداي-اق, كەنتاۋلىق زيالى قاۋىم وكىلدەرى مەن اقساقالدار جىلى لەبىزدەرىن جەتكىزدى. جاس اقىندار ۇلى اقىنعا ارناپ ارناۋلار ايتتى. ەلوردا كۇنىنە وراي, سونداي-اق كەنتاۋ قالاسىندا "ۇستازدار اللەياسى" اشىلدى. "جاستار ساياباعى" كۇردەلى جوندەۋدەن ءوتىپ, پايدالانۋعا بەرىلدى.
تۇركىستان وبلىسى
