ايتالىق اقتوبە قالاسىنداعى "ميللەنەۋم" ءدارىحاناسىنىڭ ديرەكتورى گۋلميرا قاراعۇلوۆانىڭ ايتۋىنشا ۆيرۋسقا قارسى قولدانىلاتىن دارىلەر مەن پرەپاراتتارعا تاپسىرىس ۇدايى ءارى ۇزدىكسىز بەرىلىپ كەلەدى. ونىڭ ءسوزىنىڭ استارىنان كوپتەگەن تۇرڭىندار دارىحانالارعا تۇسكەن مۇنداي دارىلىك زاتتاردى وزىنە نەمەسە وتباسىنا قاجەتتى مولشەردەن بىرنەشە ەسە كوپ الىپ جۇرگەنىن اڭعاردىق. ءدال وسى ارادا باسىن اشىپ ايتاتىن ءبىر ماسەلە بار ەكەنى انىق. كەز-كەلگەنىن تۇتىنۋشى ونىڭ قاجەتتى-قاجەتسىزدىگىنە قاراماستان دوربالاپ, قاپشىقتاپ ساتىپ الا بەرسە, ءارى ولار زارۋلىككە اينالعان ءدارى-دارمەكتى قانداي مولشەردە العىسى كەلسە, سونشا ساتىلۋى قازىرگى كۇردەلى جاعدايدا ادىلەتتىلىككە سايكەس كەلە قويار ما ەكەن.
ەڭ دۇرىسى ءار ادامعا بەلگىلى ءبىر مولشەردە ساتىلىپ بەرىلگەنى ءجون شىعار. كولدەنەڭ كوك اتتىنىڭ ءبارى ونى دوربالاپ الا بەرسە, ءدارى تاپشىلىعى ەش ۋاقىتتا جويىلمايتىنى حاق. وتكەن جىلى ءدارىحانالاردا ءدارىنى دارىگەردىڭ رەتسەپتىسى بويىنشا بەرۋ قاجەت دەگەن ماسەلە كوتەرىلىپ, ونىڭ اياعى سيىرقۇيىمشاقتانىپ اياقسىز قالعانى ۇمىتىلا قويعان جوق. بۇلاي دەيىن دەسەك, بىرقاتار وتانداستارىمىز بۇعان: قازىرگىدەي ەكىنىڭ ءبىرى دەرتكە ششالدىعىپ, ىستىعى كوتەرىلىپ, وكپەسى قابىنا باستاعان كەزدە ولاردىڭ دارىگەرگە بارىپ, رەتسەپتى جازىدىرىپ الۋىنا مۇمكىندىگى بولا دەپ قارسى پىكىر ءبىلدىرۋى دە ابدەن مۇمكىن. ءبىر ەسەپتەن مۇنى دا تۇسىنۋگە بولادى. دەگەنمەن قازىرگىدەي كۇردەلى كەزەڭدە ءدارى-دارمەك ساۋداسىن جابايى قالىپقا تۇسىرمەي, ونى جۇيەلى جولعا قويىپ, رەتتەپ وتىرۋ قاجەتتىلىگى دە ەشقانداي تالاس تۋعىزبايدى. ويتكەنى ءوز بەتىمەن ەمدەلۋدىڭ وڭ ناتيجە بەرە قويۋى ەكىتالاي ەمەس پە. قازىرگى كۇنى وسى اقيقاتتى دارىگەرلەر دە ءجيى ايتىپ ءجۇر.
وسى ورايدا ءوڭىردىڭ باس سانيتار-دارىگەرىنىڭ ۇسىنىپ وتىرعان نۇسقاسى ەتەك الىپ بارا جاتقان جابايى ءدارى –دارمەك ساۋداسىن قالىپقا كەلتىرۋگە سەپتىگىن تيگىزە الاتىندىعىن اڭعارۋ قيىن ەمەس. انيبيوتيكتىڭ دە انتيبيوتيگى بار. ونىڭ ءبارى ۆيرۋس جۇقتىرعاندارعا پايدالى بولا بەرمەيدى ەكەن. مىسالى كۆي جاعدايىندا كەڭ ءپروفيلدى انتيبيوتيكتەردى قولدانۋعا بولمايدى دەيدى ينفەكتسيونيست-ماماندار. ەندى جوعارىدا ايتىلعان باس سانيتار دارىگەردىڭ ۇسىنباسىنا كەلسەك. ۋچاستكەلىك دارىگەر ناۋقاستى قاراعاننان كەيىن ناقتى نۇسقاما بەرۋى قاجەت. ءارى باستى ەمدىك جانە پروفيلاكتيكالىق شارالار وسى الگورتيمگە ارقا سۇيەۋگە ءتيىس. سولاي دەي تۇرساق تا قازىرگى كەزدە اقتوبە قالاسىنداعى كوپتەگەن ءدارىحانالاردا ءدارى-دارمەكتەر دارىگەردىڭ نۇسقاماسىنسىز ساتىلىپ جۇرگەنىن ەشكىمجوققا شىعارا المايدى. مۇنداي جاعدايدا ونىڭ تاپشىلىعى قولدان جاسالاتىندىعى ايتپاسا دا تۇسىنىكتى ەمەس پە؟ ەگەر وڭىردەگى فارماتسەۆتيكا مەن ءدارىحانا جۇيەسىنىڭ باسى-قاسىندا جۇرگەندەر بۇل ماسەلەگە جەدەل كوڭىل اۋدارىپ, ونىڭ وڭ تەتىگىن تابۋعا ۇمتىلسا, بۇل قادام تۇرعىدار سۇرانىسىن تولىق وتەۋگە جانە ءدارى-دارمەك تاپشىلىعىن وتەۋگە وڭ سەپتىگىن تيگىزە الار ەدى.
وسى ورايدا قازىرگى كۇنى بۇل ماسەلەگە اقتوبە قالالىق اكىمدىگى باسا نازار اۋدارىپ وتىرعانىن دا ايتا كەتكەنىمىز ءجون. سونداي-اق قالا مەرياسى تاراپىنان پرەپوراتاردى ساتۋ جانە ساتىپ الۋ تالاپتارى مەن نورمالارىن باقىلاۋ ءۇشىن وبلىس ورتالىعىندا 23 موبيلدىك توپ قۇرىلعان. بۇگىندە تۇرعىندار سانى جارتى ميلليوندىق مەجەدەن اسىپ بارا جاتقان اقتوبە قالاسى 23 سەكتورعا بولىنگەن. اتالعان ءموبيلدى توپتار وسى سەكتورلار بويىنشا ءتيىستى قىزمەتكە تارتىلعان.
-تۇپتەي كەلگەندە قازىرگى سىني كەزەڭنىڭ ءوزى تۋعىزعان اتالعان موبيلدىك توپتاردىڭ باستى ماقساتى ءدارى-دارمەك ساۋداسىنا قاتىستى ماسەلەلەرگە قاتىستى مونيتورينگتىك زەرتەتۋلەر مەن تەكسەرۋلەر بولىپ وتىر. راسىندا دا, ۆيرۋسقا قارسى زارۋلىك زاتتار ورىن الىپ وتىر ما, جوق پا. ەگەر مۇنداي كورىنىستەر كەزدەسىپ جۇرسە ونىڭ باستى سەبەپتەرى قانداي؟ ءدارى-دارمەكتەردى جەتكىزۋ ماسەلەلەرى قالاي شەشىمىن تابۋدا. موبيلدىك توپ مۇشەلەرى وسى باسى اشىق ساۋالداردىڭ ءبارىن وي تارازىسىنان وتكىزىپ, اتقارۋشى ورگاندار الدىنا ءتيىستى ۇسىنبالار ازىرلەيدى. سوعان سايكەس قاجەتتى شارالار الىنادى دەدى گازەت تىلشىسىنە اقتوبە قالاسىنىڭ اكىمى اسحات شاحاروۆ.
تاعى ءبىر ايتارىمىز ىندەت قوس وكپەدەن قىسىپ, قۋىرىپ وتىرعان كەزدە كەيبىر ءدارىحانا يەلەرىنىڭ قاجەتتى ءدارى-دارمەكتىڭ باعاسىن كوتەرىپ ساتۋعا جول بەرىپ جۇرگەنى يمانسىزدىق پەن ىنساپشىلدىقتىڭ ءبىر بەلگىلى بولىپ جۇرمەسىن . مىسالى قازىرگى كەزە تۇرعىندار تاراپىنان كوبىرەك سۇرانىس تۋعىزاتىن ءدارىنىڭ ءبىر ءتۇرى -قىزۋدى تۇسىرۋگە كومەكتەسەتىن پاراتسەتامول ەكەنى بەلگىلىبۇل باعاسى قىمبات ەمەس, قولجەتىمدى ءدارى ءتۇرى. ورتاشا ەسەپپەن العاندا ونى رەسەيدەن شىعارىلاتىن 500 مگ. قورابىنىڭ باعاسى 80-85 تەنگەدەن اسپايدى. سولاي بولا تۇرسا دا موبيلدىك توپ مۇشەلەرى ءوز جۇمىسىنىڭ العاشقى كۇندەرىندە اقتوبە قالاسىنىڭ بىرقاتار ءدارىحاناسىندا وسىنداي مولشەردەگى ءدارى 125 تەنگەدەن ساتىلىپ جاتقانىنا كۋاگەر بولعان ەكەن.
سونداي-اق اقتوبە وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قىزمەتىن باقىلاۋ دەپارتامەنتى باسشىسىنىڭ ورىنباسارى, باس فارماتسەۆتيكالىق ينسپەكتور سابيت ەسكەندىروۆ وبلىسقا ءدارى-دارمەكتەر ەكى جۇيە ارقىلى جەتكىزىلەتىنىن ايتىپ بەردى. ياعني ونىڭ ءبىرىنشىسى وڭىردەگى مەديتسينا مەكەمەلەرى مەن ۇيىمداىنا كەپىلدى تۇردە بەرىلەتىن كولەمدەگى دارىلەر بولسا, ەكىنشىسى تۇرعىدارعا ءدارىحانالار ارقىلى ساتىلاتىن ءدارى-دارمەك كولەمى. سونىڭ ىشىندە ءبىز جوعارىدا وبلىس اۋماعىنداعى ەكى جۇيە ارقىلى قامتىلاتىن ءدارى-دارمەك كولەمىنىڭ كەيبىر يىرىمدەرى جونىندە وي-پىكىر قوزعاۋعا ۇمىتىلىس جاساعان جايىمىز بار. وسى ورايدا بۇل ماسەلە ءوڭىر تۇرعىدارىنىڭ ورىندى وكپە-رەنىشتەرى مەن نارازىلىعىن تۋعىزباۋى ءۇشىن الداعى 1 اي بويى مونيتورينگتىك زەرتتەۋلەر مەن باقىلاۋلار جۇرگىزۋ جونىندە ناقتى ءىس-قيمىلدىڭ باستالۋى تۇسىنبەستىك تۋعىزعان بىرقاتار ماسەلەلەردى وڭ شەشۋگە ءوز سەپتىگىن تيگىزسە يگى.
اقتوبە
