سوڭعى جىلدارى احقو قارقىنى ءوسىپ, الەمنىڭ 42-دەن استام ەلىنىڭ كومپانيالارى قارجى ورتالىعىنا كەلىپ تىركەلدى. اتالعان كومپانيالار قازاقستان, ۇلىبريتانيا, اقش, قحر, رف, ەستونيا, لاتۆيا, يتاليا, فينليانديا, وڭتۇستىك كورەيا, سينگاپۋر, مالايزيا, ءۇندىستان, ءباا, تۇركيا جانە تاعى باسقا دا ەلدەردەن. بۇگىندە مامىلەلەردى اشىق جانە ءتيىمدى جاساسۋ ءۇشىن احقو ءوز قاتىسۋشىلارىنا قارجى قۇرالدارى مەن تەتىكتەرىنىڭ كەڭ سپەكترىن ۇسىنادى.
احقو يۋريسديكتسياسىنداعى 500-ءشى كومپانيا SWISSFE CENTRAL ASIA LTD بولدى. SWISSFE LTD گەرمانيادا, گوللانديادا, اۆستراليادا, اقش-تا, قحر-دا, ءۇندىستاندا, مالايزيادا, ۇلىبريتانيادا, سەربيادا, چەحيادا, وڭتۇستىك كورەيادا, يسپانيا مەن دانيادا جىلجىمايتىن م ۇلىك پەن اكتيۆتەردى باسقارۋمەن اينالىساتىن جەكە مەنشىك جاھاندىق ينۆەستيتسيالىق كومپانيا. 2020 جىلى كومپانيانىڭ باسقارۋىندا 1,8 ملرد شۆەيتساريالىق فرانك سوماسىنا اكتيۆتەرى بار. SWISSFE LTD ونەركاسىپتىك جانە ينفراقۇرىلىمدىق اكتيۆتەرگە ەرەكشە نازار اۋدارا وتىرىپ, جوعارى ساپالى يننوۆاتسيالىق اكتيۆتەرگە ينۆەستيتسيا سالادى.
"بۇگىن ءبىز احقو رەسمي اشىلعاننان 2 جىلدان كەيىن قازاقستاننىڭ تۇڭعىش پرەزيدەنتى جانە احقو-نىڭ نەگىزىن قالاۋشى نۇرسۇلتان نازارباەۆتىڭ قاتىسۋىمەن بولعان تاريحي جەتىستىكتى اتاپ وتەمىز. وسى كەزەڭدى ەڭسەرە وتىرىپ, ءبىز ينفراقۇرىلىم قۇرۋدى اياقتاپ, ەندى بىرتىندەپ ىسكەرلىك بەلسەندىلىكتى ارتتىرۋ مەن وڭىرگە ينۆەستيتسيا تارتۋعا جاردەمدەسۋگە كوشىپ, دامۋدىڭ جاڭا كەزەڭىنە اياق باسقانىمىزدى قۋانا حابارلايمىز", دەدى احقو باسقارۋشىسى قايرات كەلىمبەتوۆ.
احقو قاتىسۋشىلارى ءوز قىزمەتىن بانك ءىسى, ساقتاندىرۋ, قور نارىعى, اكتيۆتەردى باسقارۋ, جەكە بانكينگ, يسلامدىق قارجىلاندىرۋ, نەسيەلىك رەيتينگتەر, زاڭگەرلىك كەڭەس بەرۋ, بۋحگالتەرلىك ەسەپ, حولدينگ كومپانيالارىنىڭ قىزمەتى جانە باسقا دا سالالاردا جۇزەگە اسىرادى. قازىرگى ۋاقىتتا احقو بانك سەكتورىنىڭ اكتيۆتەرى 365 ملن اقش دوللارىنا جەتتى, كاپيتال نارىعى دا ءوسىم كورسەتتى. ال تارتىلعان اكتسيونەرلىك كاپيتال 291 ملن اقش دوللارىن قۇرادى.
