الەم • 03 شىلدە، 2020

جاپونيا داۋلى ارالدارعا بايلانىستى قىتايعا نارازىلىق ءبىلدىردى

324 رەت كورسەتىلدى

جاپونيا بيلىگى سەنكاكۋ داۋلى ارالدارىنىڭ (دياويۋيداو − قىتايشا اتاۋى) اۋدانىنداعى اۋماقتىق سۋلارعا قىتاي كەمەلەرىنىڭ باسىپ كىرۋىنە بايلانىستى نارازىلىقتارىن ءبىلدىردى، دەپ حابارلايدى Egemen.kz

"توكيو مەن پەكين اراسىنداعى ديپلوماتيالىق تاراپتار بويىنشا ناقتى نارازىلىعىمىزدى جاريالايمىز. ءبىز جاپون بالىق اۋلاۋ كەمەلەرىنە جاقىنداۋ جونىندەگى ءىس-ارەكەتتەردىڭ توقتاتىلۋىن، ال كەمەلەر اۋماقتىق سۋلاردان شىعۋدى تالاپ ەتەمىز"،  دەپ مالىمدەيدى ۇكىمەتتىڭ باس حاتشىسى ەسيحيدە سۋگا ءباسپاسوز ءماسليحاتىندا.

كيودو اگەنتتىگىنىڭ حابارلاۋىنشا، بەيسەنبى كۇنى ەكى قىتايلىق پاترۋلدىك كەمە سەنكاكۋ ارالدارىندا پايدا بولعان. سودان كەيىن ولار جاپون بالىق اۋلاۋ كەمەسىنە جاقىنداۋعا ارەكەت جاساعان. ء ىس-ارەكەتتەرى ءساتسىز اياقتالىپ، جاپوندىق قاۋىپسىزدىك قىزمەتىنىڭ پاترۋلدىك كەمەسىمەن توقتاتىلدى.

بۇگىن تاڭەرتەڭ قحر-نىڭ ەكى كەمەسى اۋماقتىق سۋلاردىڭ بىرىنەن بايقالىپ، ونىڭ بىرەۋى سۋ زەڭبىرەگىمەن جابدىقتالعانى انىقتالدى. 

1

ءالى كۇنگە دەيىن قىتاي مەن جاپونيا اراسىنداعى سەنكاكۋ (دياويۋداو) ارالدارى اۋماقتىق داۋ تاقىرىبى بولىپ قالا بەرمەك. سەبەبى جاپونيا 1895 جىلدان بەرى قولدانىپ كەلەمىز دەسە، ال بەيجىڭ دياويۋداو اۋماعىن 1783 جانە 1785 جىلعى قىتاي كارتالارىنان تابۋعا بولاتىنىن ايتادى.

ەكىنشى دۇنيەجۇزىلىك سوعىستان كەيىن اتالعان ارال اقش-تىڭ باقىلاۋىندا بولىپ، تەك 1972 جىلى جاپونياعا بەرىلەدى.

بۇدان بولەك كۇنشىعىس ەلى ارالدى تايۆان مەن قىتاي زاڭسىز قولدانىپ كەلەدى دەگەن پىكىردە. ويتكەنى ارالدىڭ اكۆاتورياسى پايدالى قازبالارعا باي ەكەندىگى كوپشىلىككە ءمالىم.

 

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

ۇقساس جاڭالىقتار