ايماقتار • 03 شىلدە، 2020

جاسوسپىرىمدەر اراسىنداعى قۇقىق بۇزۋشىلىق ارتقان

138 رەت كورسەتىلدى

سولتۇستىك قازاقستان پوليتسياسى جاسوسپىرىمدەر اراسىنداعى قىلمىس 30%-عا ازايدى دەپ اقپارات بەرگەنىمەن بۇل ىستە ۇلكەن تابىس جوق. بار بولعانى بىلتىر وسى كەزەڭدە 16 قىلمىس فاكتىسى بولسا، بيىل ونىڭ سانى 11 بولىپ وتىر، دەپ حابارلايدى Egemen.kz

قازىر جاسوسپىرىمدەر اراسىنداعى قۇقىق بۇزۋشىلىقتى شەكتەۋ قيىنعا سوعۋدا. بۇرىن مۇنداي مەزگىلدە دەمالىس لاگەرلەرىندە جۇرەتىن ولار كارانتيننىڭ كەسىرىنەن كوشە كەزىپ، وزدەرىن قويارعا جەر تاپپاي ءجۇر. ءتارتىپ ساقشالاردى وندايلاردى تۇنگى مەزگىلدەردە ءجيى ۇستايدى. مۇندايلار اسىرەسە اتا-اناسى اراققا سالىنعان وتباسىلارىنان كوپ شىعۋدا. "تۇنگى ساعات 23.00 مەن تاڭعى 06.00 اراسىندا جاسوسپىرىمدەردىڭ زاڭدى وكىلسىز (اتا-اناسىز) كوشەدە جۇرۋىنە بولمايدى. جىل باسىنان بەرى بالاسىن تۇنگى "سەرۋەنگە" قويا بەرگەن وسىنداي 1085 اتا-اناعا جاۋاپكەرشىلىك جۇكتەلدى"، دەيدى پوليتسيا دپ باسقارما باستىعىنىڭ ورىنباسارى، پوليتسيا مايورى الەكساندر روزباح.

سونىمەن قاتار تۇنگى ساعات 23.00-دەن كەيىن وزدەرىنە جاسوسپىرىمدەردى كىرگىزگەن 12 كوڭىل-كوتەرۋ ورىندارىنىڭ قوجايىندارىنا ايىپپۇل سالىنعان. ءتۇرلى قۇقىق بۇزۋشىلىقتارى ءۇشىن جاسوسپىرىمدەرگە بارلىعى 1734 رەت اكىمشىلىك حاتتاما دا تولتىرىلعان. سونىڭ ىشىندە 399 اتا-اناعا بالالارىنا قاراماعاندىعى ءۇشىن جاۋاپكەرشىلىك جۇكتەلگەن. ال 152 ءجاسوسپىرىم يۋۆەنالدىق پوليتسيانىڭ ەسەبىنە الىنعان.

جاسوسپىرىمدەر اراسىندا الكوگولدىك ىشىمدىكتەر ءىشۋ فاكتىلەرى دە كوپ. جىل باسىنان بەرى ونداي 141 فاكتى تىركەلگەن. سونىڭ سوڭعىلارىنىڭ ءبىرى «ۋيۋت» دۇكەنىنىڭ ماڭىندا ۋداي ماس بولىپ جۇرگەن 16 جاستاعى قىز بولدى. قازىر ونى پوليتسيانىڭ ەسەبىنە الۋ بويىنشا ماتەريالدار جينالۋدا.

پەتروپاۆل

سوڭعى جاڭالىقتار

ۇقساس جاڭالىقتار