"تاشكەنتكە جۇمىس ساپارى بارىسىندا بۇگىن وزبەكستان سۋ شارۋاشىلىعى ءمينيسترى ش.حامراەۆپەن ەكى ەل اراسىنداعى سۋ سالاسىنداعى ىنتىماقتاستىق ماسەلەلەرى جونىندەگى جول كارتاسىنا قول قويدىق", - دەپ جازدى م.مىرزاعاليەۆ بەيسەنبىدە ءوزىنىڭ Twitter-دەگى پاراقشاسىندا.
ونىڭ ايتۋىنشا, قول قويۋعا ء"بىزدىڭ ۆەدومستۆولارىمىزدىڭ ۇزاق جانە ۇزدىكسىز كەلىسسوزدەرى سەبەپشى بولعان".
"قۇجات وتە ماڭىزدى. ول سۋ سالاسىنداعى بىرقاتار ماسەلەلەردى رەتتەيدى. اتاپ ايتقاندا, 1991 جىلدان بەرى سالىنعان جانە قايتا جوندەلگەن سۋ نىساندارىن بىرلەسكەن تەحنيكالىق زەرتتەۋ مەن مونيتورينگىلەۋدى; جوعارى سۋ قويمالارىنان قوسىمشا سۋ تاستالۋىن قامتاماسىز ەتۋدىڭ بىرلەسكەن شارالارىن قابىلداۋدى كوزدەيدى", - دەدى مينيستر.
"جول كارتاسىنداعى تاعى ءبىر ماڭىزدى تۇس - سۋ رەسۋرستارىن بولۋدەگى ايقىندىق", -دەيدى ول. مىرزاعاليەۆ وزبەك تاراپىمەن كەلىسسوزدەر جالعاسۋدا ەكەنىن, "كۇن تارتىبىندە تاعى بىرنەشە ستراتەگيالىق ماسەلەلەر بار" ەكەنىن حابارلادى.
