قازاقستان • 02 شىلدە، 2020

شىمكەنتتە تاعى ءبىر "اntikor وrtalyǵy" اشىلدى

103 رەت كورسەتىلدى

شىمكەنت قالاسىندا "اntikor ortalyǵy" سەرۆيستىك ورتالىعى اشىلدى. شاراعا قر سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ ۆكب ارقىلى ونلاين-فورماتتا قاتىستى. ورتالىقتىڭ اشىلۋى ەلوردا كۇنىن مەرەكەلەۋگە ارنالدى، دەپ حابارلايدى Egemen.kz 

اشىلۋ سالتاناتىنا شىمكەنت قالاسىنىڭ اكىمى م.ايتەنوۆ، اگەنتتىك دەپارتامەنتىنىڭ باسشىسى ا.جۇماعالي، سونىمەن قوسا قوعامدىق ۇيىمداردىڭ وكىلدەرى قاتىستى.

"اntikor ortalyǵy" – ازاماتتارعا بىلىكتى مامانداردان جايلى جاعدايدا جەدەل زاڭدىق كەڭەس الۋعا مۇمكىندىك بەرەتىن ديالوگ الاڭى. ورتالىققا كەز-كەلگەن ازامات جۇگىنە الادى: سىبايلاس جەمقورلىققا قارسى قىزمەتتىڭ قىزمەتكەرلەرى كۇن سايىن  قابىلدايدى.

سەرۆيستىك ورتالىقتى اشۋعا تۇتىنۋشىعا باعدارلانۋ قاعيداتتارىنا ساي كەلۋشىلەرگە ىڭعايلى فرونت-كەڭسە مەن وpen space فورماتىنىڭ ءتيىمدى ۇيلەسىمى نەگىز بولعان.

انتيكور-ورتالىعىنىڭ الاڭىندا «شىمكەنت – ادالدىق الاڭى» مەن "Protecting business and investments" جوبالىق كەڭسەلەرى جۇمىس ىستەيتىن بولادى. مۇندا "ادالدىق الاڭى" جوبالىق كەڭسەسى مەن ارنايى مونيتورينگ توپ مۇشەلەرىنە، ازاماتتاردى قابىلداۋعا كابينەتتەر، ءماجىلىس زالى قاراستىرىلعان.

اگەنتتىك توراعاسى ءوزىنىڭ قۇتتىقتاۋ سوزىندە حالىقپەن جۇمىس ىستەۋدىڭ ماڭىزدىلىعىن اتاپ ءوتتى: ء"بىز كۇن سايىن مەملەكەتتىك قىزمەتشىلەر مەن ازاماتتار اراسىنداعى قارىم-قاتىناستىڭ بارىنشا وزگەرىپ جاتقانىن بايقاپ ءجۇرمىز. شەنەۋنىكتەر ءوز ويىن ءتارتىبىن بەلگىلەپ، ال ازاماتتار وعان باعىناتىن جابىق پروتسەستەر بارلىق الەمدە كەلمەسكە كەتۋدە. قازىر باسىمدىقتار وزگەرۋدە، ەندى بيۋروكراتياعا ەمەس، ازاماتتاردىڭ قاجەتتىلىكتەرىنە دەن قويىلۋدا، تۇتىنۋشىعا باعدارلانۋ الدىڭعى ورىندا تۇر. اگەنتتىك تە ءوز قىزمەتىندە وسى قاعيداتتى ۇستانادى جانە جەمقورلىقتىڭ سالدارىمەن كۇرەسپەي، ونىڭ الدىن الۋ ءۇشىن ازاماتتاردىڭ شاعىمدارىمەن جۇمىسقا كوپ كوڭىل بولەدى"، دەدى ول. 

ءوز كەزەگىندە، شىمكەنت قالاسىنىڭ اكىمى م.ايتەنوۆ: "قازىرگى تاڭدا شىمكەنت قالاسىندا  كورسەتىلەتىن  164 مەملەكەتتىك قىزمەتتىڭ 88،1% اۆتوماتتاندىرىلعان. بۇل جەمقورلىقتى ازايتۋعا، قوعامنىڭ مەملەكەتتىك ورگاندارعا سەنىمىن ارتتىرۋعا باعىتتالعان قۇقىقتىق-اكىمشىلىك جانە ۇيىمداستىرۋشىلىق شارالاردى ىسكە اسىرۋعا مۇمكىندىك بەرەدى"، - دەپ اتاپ ءوتتى.

وسى ورايدا، سىبايلاس جەمقورلىققا قارسى قىزمەتتىڭ باستاماسىمەن "اntikor ortalyǵy" ەلىمىزدىڭ بارلىق وڭىرلەرىندە اشىلىپ جاتقانىن ەسكە سالامىز.قازىرگى تاڭدا 16 سەرۆيستىك ورتالىقتا ازاماتتاردى قابىلدايدى.

سوڭعى جاڭالىقتار

ۇقساس جاڭالىقتار