ماسەلەن شاردارا اۋداندىق پروكۋراتۋراسى ءوز ايماعىندا ورنالاسقان "شاردارا سۋ قويماسىنا" قاتىستى اقپاراتتارعا كۇندەلىكتى تالداۋ جۇرگىزىپ كەلەدى.
وسىنداي ءىس-شارالار بارىسىندا, وسى جىلدىڭ 20 مامىرىندا ستراتەگيالىق ماڭىزى بار جانە مەملەكەتتىك كۇزەتىلەتىن "شاردارا سۋ قويماسى" سۋ بوگەتىنە 5 جەڭىل اۆتوكولىك رۇقساتسىز كىرىپ, جول ءجۇرۋ ەرەجەسىن بۇزىپ, سۋ بوگەتىنىڭ زاقىمداعانى تۋرالى بەينەروليك "WhatsApp" جەلىسىندە تاراعانى انىقتالعان.
جەرگىلىكتى پوليتسيا قىزمەتى جەڭىل اۆتوكولىكتىڭ جۇرگىزۋشىلەرىن انىقتاپ, 2 جۇرگىزۋشىنى جول ءجۇرۋ ەرەجەسىن بۇزۋ فاكتىلەرى بويىنشا اكىمشىلىك جاۋاپكەرشىلىككە تارتتى
ال سۋ بوگەتىنىڭ قاۋىپسىزدىگىنە جاۋاپتى تۇركىستان وبلىسى بويىنشا "مەملەكەتتىك كۇزەت قىزمەتى باسقارماسى" مم-ءنىڭ قىزمەتكەرلەرىنە قاتىستى اۋدان پروكۋراتۋراسىمەن قاداعالاۋ اكتىسى ەنگىزىلىپ, مەملەكەتتىك قورعاۋداعى نىسانعا جەڭىل كولىكتەردى زاڭعا قايشى كىرگىزگەن پوليتسيا قىزمەتكەرى لاۋازىمىنان بوساتىلعان, تاعى ءۇش قىزمەتكەر ءتۇرلى تارتىپتىك جاۋاپكەرشىلىككە تارتىلدى.
