كوروناۆيرۋس • 02 شىلدە، 2020

قازاقستاندىق ءدارىحانالار 2 اپتادا 10 ميلليارد تەڭگەدەي تابىس تاپقان

27 رەت كورسەتىلدى

مەملەكەتتىك كىرىستەر كوميتەتى كوشپەلى تەكسەرۋلەرسىز فارم قىزمەتىنە تالداۋ جۇرگىزدى. دارى–دارمەكتەردى ساتۋعا قوسىمشا قۇن سالىعى سالىنبايتىندىقتان، دارىلىك زاتتار اينالىمى وندىرۋشىدەن سوڭعى تۇتىنۋشىعا دەيىن تاۋاردىڭ تاريحىن قاداعالاۋعا مۇمكىندىك بەرەتىن تاۋارلاردى باقىلاۋ جۇيەسىنە كىرمەيدى. سوندىقتان، تالداۋ بەلگىلى ءبىر كەزەڭدە ءدارىحانا قانداي پايدا العانىن قاداعالاۋعا بولاتىن ونلاين – بكم كورسەتكىشتەرىندە قۇرىلعان، - دەپ حابارلايدى Egemen.kz. 

جازدىڭ العاشقى 2 اپتاسىندا عانا قازاقستاندىق ءدارىحانالار 10 ميلليارد تەڭگەدەن استام تابىس تاپتى. الايدا بارلىق كاسىپكەر ناقتى اينالىمداردى كورسەتپەدى.

رەسپۋبليكا بويىنشا ءدارىحانا – قىزمەت ءتۇرىن كورسەتە وتىرىپ، بارلىعى 3 527 كاسىپكەر، 7 674 ونلاين–بكم تىركەگەن. ونلاين–بكم ەنگىزۋ سالىق ەسەپتىلىگىن كۇتپەستەن، اينالىمدار سوماسىن عانا ەمەس، وتكىزىلگەن تاۋار، جۇمىس نەمەسە قىزمەت ءۇشىن ەسەپ ايىرىسۋ كەزىندە ونى قولدانبايتىن كاسىپكەرلەردى دە مونيتورينگ جۇرگىزۋگە مۇمكىندىك بەرەتىنىن اتاپ ءوتۋ قاجەت.

مىسالى، 868 ءدارىحانا يەسى ونلاين–بكم قولدانبايتىنى انىقتالدى، بۇل رەتتە ولار ءوز قىزمەتىن توقتاتقان جوق. 239 ءدارىحانا بەلگىلى ءبىر كۇندەرى چەكتەردى شىعارادى، كەيبىر كۇندەرى ونلاين–بكم پايدالانىلمايدى، ياعني، ءنول بويىنشا ءتۇسىم جاساپ وتىر.

كۇندىزگى ءتۇسىمى 5000 تەڭگەدەن كەم بولاتىن 99 ءدارىحانا بار. كۇن سايىن ءبىر ءتۇسىمدى كورسەتەتىن ءدارىحانالار بار، مىسالى، ءدال 700 نەمەسە 1000 تەڭگە. ناتيجەسىندە، 3 527 ءدارىحانانىڭ ىشىنەن ادال جانە زاڭعا مويىنسۇنعاندارى – 60 پايىزى نەمەسە 2137 ءدارىحانا ناقتى اينالىمداردى كورسەتتى.

وسىعان بايلانىستى مەملەكەتتىك كىرىستەر كوميتەتى ازاماتتاردى تاۋارلاردى، جۇمىستار مەن قىزمەتتەردى ساتىپ الۋ كەزىندە چەكتەردى تالاپ ەتە وتىرىپ، ازاماتتىق بەلسەندىلىك تانىتۋعا شاقىرادى.

 

سوڭعى جاڭالىقتار

ۇقساس جاڭالىقتار