اتاپ ايتاندا, ەكى اي ىشىندە ورناتىلعان جانە اۋىستىرىلعان جول بەلگىلەرىنىڭ سانى 7969 بىرلىكتى قۇرايدى. بۇل – جىلدىق جوسپاردىڭ 62%. جول بەلگىلەرىنىڭ تاعى دا 4922 بىرلىگى ورناتىلادى دەپ جوسپارلانۋدا. بۇدان بولەك, بۇگىنگە دەيىن جول قىزمەتتەرى 2204 شاقىرىمدىق بەلگىلەردى نەمەسە جوسپارلانعان جۇمىستاردىڭ جىلدىق كولەمىنىڭ 86% ورناتتى. قوسىمشا جىل سوڭىنا دەيىن ەل جولدارىندا 354 بەلگى ورناتىلماق. سونىمەن قاتار, جول پاننولارىنىڭ 49% ورناتىلىپ, اۋىستىرىلدى. جالپىلاي العاندا, جىل سوڭىنا دەيىن جولشىلار بەلگىلەردىڭ 509 بىرلىگىن ورناتۋى ءتيىس.
ايتا كەتۋ كەرەك, رەسپۋبليكالىق ماڭىزعا يە اۆتوموبيل جولدارى جەلىسىنىڭ بويىندا 106 مىڭ جول بەلگىسى بار. ولاردىڭ 39 200 بىرلىگى – تىيىم, 28 600-ءى - الدىن الۋ, 14 800-ءى – اقپاراتتىق نۇسقاۋ, 7 500-ءى – نۇسقاۋ, 11 600-ءى – باسىمدىقتى جانە 4 300-ءى – قىزمەت كورسەتۋ بەلگىلەرى.
مۇنىمەن قوسا, ەكى ايلىق شەڭبەرىندە جول جابىندىسىنىڭ 277843 شارشى مەترىندە شۇڭقىرلاردى جاماۋ جۇمىستارى جۇرگىزىلىپ, جولداردىڭ 16 932 شاقىرىمى تاڭبالاندى.
ەسكە سالايىق, جول قوزعالىسى قاۋىپسىزدىگىن قامتاماسىز ەتۋ ماقساتىندا جىل سايىن قازاقستاندا "كەشەندى ماقساتتى باعدارلاما" ىسكە اسىرىلادى. ونىڭ اياسىندا جولدارداعى شۇڭقىرلاردى جاماۋ, جول بەلگىلەرىن ورناتۋ جانە اۋىستىرۋ, قورشاۋلاردى ورناتۋ جانە جوندەۋ, جولداردىڭ قوزعالىس بولىگىن تاڭبالاۋ جۇمىستارىن جۇرگىزۋ قاراستىرىلعان.
