جازعى دەمالىس ۋاقىتىندا بالالاردى جۇمىسپەن قامتۋ ءۇشىن جاسالعان تۇجىرىمداما وڭىرلەرگە جولداندى. اتالمىش تۇجىرىمدامانىڭ اياسىندا بالالاردىڭ ساۋىقتىرۋ دەمالىسى مەن بوس ۋاقىتىن ءتيىمدى وتكىزىپ, جۇمىسپەن قامتىلۋى نەگىزىندە "مىڭ جاسا!" ەرىكتى بالالار قوزعالىسىنىڭ جۇمىسىن ۇيلەستىرۋ كوزدەلگەن.
نۇر-سۇلتان, الماتى, شىمكەنت قالالارىمەن قوسا ءار وبلىستىڭ ءبىلىم باسقارمالارىندا كوشباسشى قوزعالىسىنىڭ ورتالىقتارى قۇرىلعان. ورتالىققا قۇرامىندا جوعارى وقۋ ورىندارى مەن كوللەدجدەردىڭ وقىتۋشىلارى بار پەداگوگيكالىق وترياد جەتەكشىلىك ەتەدى.
بۇگىندە "بالداۋرەن" روسو رمقك-نىڭ نۇر-سۇلتان, الماتى, شىمكەنت قالالارىنىڭ ءبىلىم باسقارمالارىمەن ۇسىنىلعان تالىمگەرلىك قوزعالىس ورتالىقتارىنىڭ وكىلدەرى جانە وبلىستاردىڭ پەداگوگيكالىق وتريادتارىنىڭ كوشباسشىلارى ءۇشىن تالىمگەرلىك شەبەرلىكتىڭ ترەنەرلىك كۋرستارىنا قاشىقتان قاتىسۋشىلاردىڭ ءتىزىمى ىرىكتەلىپ, جاسالدى. اعىمداعى جىلدىڭ 22 ماۋسىمنان تالىمگەرلىك شەبەرلىكتىڭ ترەنەرلىك كۋرستارى ءوز جۇمىسىن قاشىقتان باستادى.
اتالعان كۋرستار اياقتالعان سوڭ وبلىستار جانە نۇر-سۇلتان, الماتى, شىمكەنت قالالارىنىڭ جەتەكشى قوزعالىس ورتالىقتارى مەن اۋداندىق ورتا ءبىلىم بەرۋ ۇيىمدارىنا پەداگوگيكالىق وتريادتاردى بەكىتۋدىڭ جۇمىستارى جۇرگىزىلەدى. سونداي-اق, جازعى دەمالىس كەزەڭىندە بالالاردى ءىس-شارالارمەن بارىنشا قامتۋدى قامتاماسىز ەتۋ, كوشباسشىلاردىڭ پەداگوگيكالىق شەبەرلىگىن جەتىلدىرۋ جانە وڭىرلىك كوشباسشىلار قوزعالىسى ورتالىقتارىنىڭ ءوزارا ءىس-قيمىلىن نىعايتۋ جوبانىڭ اياسىندا كۇتىلەتىن نەگىزگى ناتيجە بولىپ تابىلادى.
