كوروناۆيرۋس • 01 شىلدە، 2020

دەنساۋلىق ساقتاۋ ۆيتسە-ءمينيسترى انتيبيوتيكتەن اۋلاق بولۋعا شاقىردى

723 رەت كورسەتىلدى

قر دەنساۋلىق ساقتاۋ ۆيتسە-ءمينيسترى ليۋدميلا بيۋرابەكوۆا قازاقستاندىقتاردى انتيبيتويك ىشپەۋگە جانە ءوز بەتىنشە ەمدەلمەۋگە شاقىردى، - دەپ حابارلايدى Egemen.kz 

"باكتەرياعا قارسى پرەپاراتتار ينفەكتسيالىق ۆيرۋستى ەمدەۋگە كومەكتەسپەيدى"، - دەگەن ۆيتسە-مينيستر، بەكىتىلگەن ەمدەۋ حاتتاماسىندا انتيبيوتيكالىق تەراپيا پنەۆمونيا پايدا بولاتىن باكتەريالىق ينفەكتسياعا بايلانىستى تەك اۋرۋحانادا ەمدەلۋشىلەرگە ارنالعانىن باسا ايتتى. 

"مەن ازاماتتارعا وزدىگىنەن ءدارى-دارمەك جاساماۋدى، ۆيرۋستىق ينفەكتسيا بەلگىلەرى بولعان كەزدە انتيبيوتيكتەردى ءوز بەتىمەن قولدانباۋدى قاتاڭ تۇردە ەسكەرتەمىن"، - دەدى بيۋرابەكوۆا. 

مينيستر ورىنباسارى انتيبيوتيكتەردىڭ كەسىرىنەن بولاشاقتا باسقا اۋرۋلار تۋىنداپ، اسقىنىپ كەتپەۋى ءۇشىن، ۇسىنىلعان جازبالار مەن باقىلاۋ پاراقتارىنا سايكەس ارەكەت ەتۋ كەرەكتىگىن ايتتى.

سوڭعى جاڭالىقتار

ۇقساس جاڭالىقتار