پورتال مۇگەدەكتىگى بار ادامدارعا وتق ءوندىرۋشى مەن جەتكىزۋشىنى ءوز بەتىنشە تاڭداۋعا مۇمكىندىك بەرەدى. كومەكتىڭ كەپىلدىك بەرىلگەن تۇرىنە تاپسىرىس بەرۋ ەلەكتروندىق تسيفرلىق قولتاڭبا ارقىلى جۇزەگە اسىرىلادى. تاپسىرىس بەرىلگەن وتق-نى جەتكىزۋ ارقىلى الۋعا نەمەسە وزىڭىزگە الىپ كەتۋ بولادى.
قازىرگى ۋاقىتتا پورتالدا وتق-نىڭ 55 ءتۇرىنىڭ 24-ىنە قولجەتىمدى. 2020 جىلدىڭ ەكىنشى جارتىجىلدىعىندا مۇگەدەكتەر ءۇشىن پورتال ارقىلى جەكە كومەكشىلەر مەن ىمداۋ ءتىلى ماماندارىنىڭ قىزمەتتەرىنە تاپسىرىس بەرۋ, سونداي-اق ساناتوريالىق-كۋرورتتىق ەمدەۋدى جۇزەگە اسىرۋ ءۇشىن ۇيىمدى تاڭداۋ مۇمكىندىگى بەرىلەتىن بولادى. وتق-نىڭ قالعان ءتۇرى 2021 جىلى پورتالعا اۋىستىرىلاتىن بولادى.
مۇگەدەكتىگى بار ادامداردى وڭالتۋ قۇرالدارىمەن قامتاماسىز ەتۋ پروتەزدىك-ورتوپەديالىق, سۋردوتەحنيكالىق, تيفلوتەحنيكالىق جانە گيگيەنالىق قۇرالداردى, سونداي-اق كرەسلو-اربالاردى ۇسىنۋدى قامتيدى.
ەستەرىڭىزگە سالا كەتەيىك, ەلەكتروندىق رەسۋرس مۇگەدەكتىگى بار ادامداردى قاجەتتى قىزمەتتەرمەن جانە وتق جەتكىزۋشىدەن تىكەلەي قامتاماسىز ەتۋ ماقساتىندا ازىرلەنگەن.
«الەۋمەتتىك قىزمەتتەر پورتالى» اۆتوماتتاندىرىلعان اقپاراتتىق جۇيەسىن ەندىرۋ مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى ۇلتتىق جوسپار شەڭبەرىندە كوزدەلگەن.
پورتالدى پايدالانۋ بويىنشا كونسۋلتاتسيالاردى كولل-ورتالىقتان 1411 ءنومىرى بويىنشا الۋعا بولادى.
