"ەلەكتر ەنەرگياسىنا ارنالعان تاريفتەر زاڭعا سايكەس 7 جىلعا بەلگىلەنەدى, بۇل رەتتە ەنەرگيا ءوندىرۋشى ۇيىمداردىڭ ەلەكتر ەنەرگياسىن وندىرۋگە ارنالعان شىعىندارى ناقتى ۇلعايعان جاعدايدا, ەنەرگيا ءوندىرۋشى ۇيىمدار ۋاكىلەتتى ورگانعا شەكتى تاريفتەردى تۇزەتۋگە ءوتىنىم بەرۋگە قۇقىلى. وسىعان بايلانىستى قازاقستاننىڭ ەنەرگيا ءوندىرۋشى ۇيىمدارى ءساۋىر ايىندا توپتار بويىنشا شەكتى تاريفتەردى تۇزەتۋگە ءوتىنىم بەردى. 44 ەنەرگيا ءوندىرۋشى ۇيىمنىڭ 35-ىنەن ءوتىنىم بەرىلدى. ولاردى قاراۋ كەزىندە مينيسترلىك ءار جاعداي بويىنشا جەكە ءتاسىلدى قولداندى. دەر كەزىندە شەشۋدى تالاپ ەتەتىن وتىنىمدەر نازارعا الىندى", - دەدى ول.
بۇيرىقتىڭ جوباسى 2020 جىلعى 10 ماۋسىمدا اشىلعان نقا سايتىندا جاريالاندى. قر "اتامەكەن" ۇلتتىق كاسىپكەرلەر پالاتاسىمەن جانە ەنەرگەتيكا مينيسترلىگىندە تىركەلگەن ساراپتامالىق ۇيىمدارمەن تالقىلاۋلار ءوتتى. بۇيرىق جوباسى قوعامدىق كەڭەستە قارالدى, سونداي-اق اشىق نقا پورتالىنىڭ ەلەكتروندىق الاڭىندا تالقىلاندى. تاريفتەردى تۇزەتۋ "ەلەكتر ەنەرگياسىنا شەكتى تاريفتەردى بەكىتۋ تۋرالى "قازاقستان رەسپۋبليكاسى ەنەرگەتيكا ءمينيسترىنىڭ 2018 جىلعى 14 جەلتوقسانداعى № 514 بۇيرىعىنا وزگەرىس ەنگىزۋ تۋرالى" قر ەنەرگەتيكا ءمينيسترىنىڭ بۇيرىعىمەن اعىمداعى جىلدىڭ 29 ماۋسىمىندا جۇرگىزىلدى.
"بۇل بۇيرىق 2020 جىلدىڭ 1 شىلدەسىنەن باستاپ ەنگىزىلۋى ءتيىس. قازاقستان بويىنشا ەنەرگيا ءوندىرۋشى ۇيىمداردىڭ شەكتى تاريفتەرىنىڭ ورتاشا ۇلعايۋى 16 پايىز دەڭگەيىندە بولجانۋدا. ءبىرتۇتاس ەلەكتر ەنەرگەتيكالىق جۇيەسىنىڭ باتىس ايماعىنان باسقا قازاقستاننىڭ بارلىق ايماقتارى بويىنشا ەلەكتر ەنەرگياسىن ىسكە اسىراتىن ەكىباستۇز گرەس-1 شەكتى ءتاريفى شامالى دەڭگەيدە, ياعني 0,7 پايىزعا ۇلعايادى. ۇيىمداردىڭ باسقا ستانتسيالارى تاريفتەرىنىڭ ۇلعايۋى اياسىندا ەكىباستۇز گرەس-1 شەكتى ءتاريفىنىڭ ساقتالۋى سوڭعى تاريفتەرگە ەڭ از دەڭگەيدە اسەر ەتەدى. 44 ەنەرگيا ءوندىرۋشى ۇيىمنىڭ 9-ى بويىنشا تاريف بۇرىنعى دەڭگەيدە ساقتالعان. ءبىر ەنەرگيا ءوندىرۋشى ۇيىم بويىنشا تاريف 7 پايىزعا تومەندەتىلدى. 18 ەنەرگيا ءوندىرۋشى ۇيىم بويىنشا ءتاريفى 20 پايىزعا دەيىن ءوستى, قالعان 16 ەوۇ-نىڭ ءتاريفى 20 پايىزدان ارتىق بولدى. ەلەكتر ستانتسيالارىنىڭ شەكتى تاريفتەرىن ۋاقتىلى تۇزەتۋ الداعى كۇزگى-قىسقى كەزەڭدەردەن ءساتتى ءوتۋ جانە بيىلدان باستاپ اۆاريالىق جاعدايلاردى ازايتۋ ءۇشىن ولاردى جاڭعىرتۋ جونىندەگى جۇمىستى باستاۋعا مۇمكىندىك بەرەدى", - دەدى ا. دارىباەۆ.
ۆەدومستۆو مالىمەتىنشە, ەوۇ شەكتى تاريفتەرى وزگەرگەن كەزدە ستاتيستيكالىق ورتاشا پاتەرلەر بويىنشا سوڭعى تۇتىنۋشىلار ءۇشىن ەلەكتر ەنەرگياسىن تولەۋگە ارنالعان ورتاشا چەك اعىمداعى شوتتارعا ايىنا 200 تەڭگەدەن اسپايتىن شاماعا ءتورتىنشى توقساننان ەرتە ەمەس مەرزىمدە ۇلعايتىلۋى مۇمكىن.
"بۇدان باسقا, ەلەكتر ەنەرگياسىنا شەكتى تاريفتەردى قايتا قاراۋ 44 ەنەرگيا ءوندىرۋشى ۇيىمنىڭ وندىرىستىك پەرسونالىنىڭ 27 مىڭ جۇمىس ورنىن ساقتاۋعا مۇمكىندىك بەرەدى. سەبەبى وسى ادامداردىڭ جۇمىسىنان ەلدى ەلەكتر ەنەرگياسىمەن ۇزدىكسىز قامتاماسىز ەتۋ تىكەلەي بايلانىستى", - دەدى ايدوس دارىباەۆ.
