ايماقتار • 30 ماۋسىم، 2020

وزدەرىن ءورت سوندىرۋشىلەر رەتىندە تانىستىرعان الاياقتار ۇستالدى

13 رەت كورسەتىلدى

الماتى وبلىسىندا وزدەرىن ءورت سوندىرۋشىلەر رەتىندە تانىستىرعان الاياقتار ۇستالدى. بۇل تۋرالى ءىىم ءباسپاسوز قىزمەتى حابارلادى، - دەپ جازادى Egemen.kz

ەر ازامات پەن ايەل ادام ءاردايىم ءبىر قىلمىستىق سحەما بويىنشا ارەكەت ەتكەن. ولار ازىق-ت ۇلىك دۇكەندەرىنە تەكسەرىسپەن كەلىپ، ونعا جۋىق دۇكەن يەسىن الداپ كەتكەن. 

ەسكەلدى اۋدانى پوليتسيا ءبولىمىنىڭ كەزەكشى بولىمىنە اۋدانداعى اۋىلداردىڭ ءبىرىنىڭ 46 جاستاعى ازىق-ت ۇلىك دۇكەن يەسى ەكى بەلگىسىز ادامعا قاتىستى شارا قولدانۋ تۋرالى ارىزدانعان. وزدەرىن ورتكە قارسى قىزمەت قىزمەتكەرلەرى رەتىندە تانىستىرعان كۇدىكتىلەر الداۋ جولىمەن دۇكەن يەسىنىڭ اقشالاي قاراجاتىن يەمدەنىپ كەتكەن.

"قازىرگى تاڭدا جاقىن ماڭداعى اۋىلداردان تاعى بىرنەشە الدانعان دۇكەن يەلەرى انىقتالدى. الدانعاندار ءتىزىمى ءالى دە ۇلعايۋى مۇمكىن. قىلمىستىق “دۋەت” ارقاشان ءبىر سحەما بويىنشا ارەكەت ەتكەن. وزدەرىن ورتكە قارسى قىزمەت قىزمەتكەرلەرى رەتىندە تانىستىرعان كۇدىكتىلەر، فوتوسۋرەتتەرى مەن مورلەرى بار قىزمەتتىك كۋالىكتەرىن زارداپ شەگۋشىلەر ناقتى تانىسا المايتىنداي كورسەتىپ، بىردەن تەكسەرۋگە كىرىسىپ، ءتۇرلى زاڭ بۇزۋشىلىقتاردى تابا باستاعان. كەيبىرىندە ءورت ءسوندىرۋ قۇرالدارى بولماعان، ال وزگەلەرىندە ءورت سوندىرگىشتەردىڭ مەرزىمى ءوتىپ كەتكەن. ولار ءتىپتى پەشپەن جىلىتۋ ورنى اعاش كونسترۋكتسيالارىنىڭ وتتان قورعاۋ قۇرالدارىمەن سىڭدىرىلمەۋىنە جانە ودان وزگە ماسەلەلەرگە قاتىستى زاڭ بۇزۋشىلىقتاردى تاپقان. سودان كەيىن ماسەلەنى بەيبىت تۇردە، حاتتاما جاساماي شەشۋدى ۇسىنىپ، جابىرلەنۋشىلەردى اقشا بەرۋگە يتەرمەلەگەن. قالاعاندارىن العاننان كەيىن ولار ءوز بەتىمەن كەتە بارعان"، دەيدى الماتى وبلىسى ەسكەلدى اۋدانى پوليتسيا ءبولىمىنىڭ باستىعى جانات قۇدايبەرگەنوۆ. 

الاياقتاردى انىقتاۋ ءۇشىن تاجىريبەلى قىزمەتكەرلەردەن جەدەل-تەرگەۋ توبى قۇرىلىپ، كۇدىكتىلەر قىسقا ۋاقىت ارالىعىندا الماتى قالاسىنىڭ كوشەلەرىنەن ۇستالدى. كۇدىكتىلەردىڭ سارقان اۋدانىنىڭ 35 جاستاعى جانە تاراز قالاسىنىڭ 26 جاستاعى تۇرعىنى ەكەنى انىقتالدى. ولار وڭتۇستىك استانادا جالدامالى پاتەردە بىرگە تۇرعان. ۇستالعان ادامدار ۋاقىتشا ۇستاۋ وقشاۋلاعىشىنا قاماققا الىندى. سوتقا دەيىنگى تەرگەۋ امالدارى بارىسىندا ۇستالعانداردىڭ وبلىس اۋماعىنداعى باسقا دا ۇقساس قىلمىستارعا قاتىستىلىعى تەكسەرىلەدى. قىلمىستىق ءىس قر قك 190-بابى 3-ب. 4-ت. بويىنشا تەرگەلىپ جاتىر.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار