ەلدىڭ باسەكەگە قابىلەتتىلىگى ۇلتتىق ەكونوميكانىڭ باسەكەگە قابىلەتتى بيزنەس قالىپتاساتىن ورتانى جاساۋ جانە قولداۋ قابىلەتىمەن قابىلدانادى.
قازاقستان ساۋالناما نەگىزىندە قالىپتاساتىن جانە كاسىپكەرلەردىڭ جەمقورلىقتى قابىلداۋىن كورسەتەتىن پاراقورلىق پەن جەمقورلىققا قارسى ءىس-قيمىل ينديكاتورى بويىنشا ەكىنشى جىل قاتارىنان ءوز ورنىن جاقسارتتى.
بيىل باعالاۋعا قاتىسقان 63 مەملەكەتتىڭ اراسىندا ەلىمىز 29-دان 27-گە, ياعني 2 ورىنعا كوتەرىلىپ, 10 باللدىڭ 5,01 باللىن الىپ, ورتاشا الەمدىك كورسەتكىشتەن (4,80) استى.
بۇل ەلىمىزدىڭ وسى رەيتينگكە قاتىسقان كەزەڭدەگى ەڭ جوعارى ناتيجەسى (2018 جىلى – 39 ورىن جانە 3,43 ب.; 2019 جىلى – 29 ورىن جانە 4,28 ب.).
قازاقستان بۇل تالاپ بويىنشا پولشادان (28 ورىن), يزرايلدەن (30), وڭتۇستىك كورەيادان (31), ليتۆادان (32), قىتايدان (33), يسپانيادان (39), چەحيادان (44), رەسەيدەن (51) جانە ت.ب. جوعارى ورنالاسقان.
جوعارىدا اتالعان جەتىستىكتەر باسقا 8 حالىقارالىق رەيتينگ اگەنتتىكتەرىنىڭ مالىمەتتەرىمەن قوسا ترانسپارەنسي ينتەرنەشنلدىڭ سىبايلاس جەمقورلىقتى ءتۇيسىنۋ يندەكسىنىڭ باللىن ەسەپتەۋ بارىسىندا ەسكەرىلەتىنىنە نازار اۋدارامىز.
جالپى, بيزنەس جۇرگىزۋدەگى جەمقورلىقتىڭ بىرتىندەپ تومەندەۋىن بۇكىلالەمدىك بانكتىڭ "Enterprise Survey", قازاقستانداعى ترانسپارەنسي ينتەرنەشنلدىڭ "سىبايلاس جەمقورلىقتىڭ جاي-كۇيىنە مونيتورينگىن" جانە PRS "ەلدىك تاۋەكەلدەردى باعالاۋىن" قوسا العاندا باسقا اگەنتتىكتەر جۇرگىزگەن زەرتتەۋلەردىڭ ناتيجەلەرى دە ايعاقتايدى.
وسى تۇرعىدان العاندا Covid-19 پاندەمياسىنىڭ اسەرىنەن الەمدە ورىن العان قيىن جاعدايعا قاراماستان, ينۆەستيتسيالىق بەلسەندىلىكتىڭ جاندانىپ جاتقانىن اتاپ وتكەن ءجون.
سىبايلاس جەمقورلىققا قارسى ءىس-قيمىل اگەنتتىگى مەن "اتامەكەن" ۇكپ ءوز تاراپتارىنان وتاندىق جانە شەتەلدىك ينۆەستورلاردىڭ جالپى سوماسى 12 ترلن تەڭگەدەن استام 475 جوباسىن سۇيەمەلدەي وتىرىپ, كاسىپكەرلەردى سىبايلاس جەمقورلىق كورىنىستەرى مەن اكىمشىلىك تورەشىكتىكتەن قورعاۋدى جالعاستىرۋدا.
جىل باسىنان بەرى انتيكور قىلمىستىق-قۇقىقتىق شارالار اياسىندا لاۋازىمدى تۇلعالاردىڭ بيزنەس جۇرگىزۋگە زاڭسىز ارالاسۋىنىڭ 80-نەن استام فاكتىسىن انىقتاپ, 200-گە جۋىق كاسىپكەردىڭ قۇقىعىن قالپىنا كەلتىردى.
