وسىدان بىرەر اي بۇرىن كوروناۆيرۋس پاندەمياسىنا بايلانىستى اتالعان تۋرنير وتپەي قالۋى مۇمكىن دەگەن اقپارات تاراعان بولاتىن. الايدا ۇيىمنىڭ رەسمي سايتى كۇنى كەشە كۇز مەزگىلىندە ۇيىمداستىرىلاتىن دوپ دوداسىنىڭ كۇنتىزبەسىن بەكىتتى. ەكىنشى جىل قاتارىنان ۇيىمداستىرىلىپ جاتقان باسەكەدە قازاقستان قۇراماسى «س» ديۆيزيونىنىڭ ءتورتىنشى توبىندا سىنعا تۇسەدى. وتكەن ماۋسىمدا ەڭ تومەنگى «D» ديۆيزيونىندا ويناپ, توپتا ەكىنشى ورىن العان-دى.
بيىلعى جارىستا ميحال بيلەك شاكىرتتەرى البانيا, بەلارۋس جانە ليتۆا قۇرامالارىمەن ءبىر توپتا باق سىنايدى. قازاقستان قۇراماسى ءتۋرنيردى 5 قىركۇيەكتە سىرت الاڭداعى ليتۆاعا قارسى ماتچپەن باستايدى. اراعا ەكى كۇن سالىپ ءوز ەلىمىزدە بەلارۋس, 11 قازاندا البانيا قۇراماسىن قابىلدايمىز. ال 15 قازاندا بەلارۋستە, 15 قاراشادا البانيادا وينايمىز. توپتىق كەزەڭدەگى سوڭعى ماتچ 18 قاراشادا قازاقستاندا وتەدى. قارسىلاسىمىز – ليتۆا.
العاشقى ماۋسىمنىڭ فينالىندا پورتۋگاليا قۇراماسى نيدەرلاندتى 1:0 ەسەبىمەن جەڭىپ, ءتۋرنيردىڭ تۇڭعىش چەمپيونى اتانعان ەدى.
