اتالعان سىيلىقپەن وڭىرلىك مەديا سالاسىنىڭ ۇزدىك قىزمەتكەرلەرى 2006 جىلدان بەرى ماراپاتتالىپ كەلەدى. وسى ۋاقىت ارالىعىندا "التىن سۇڭقار" سىيلىعىمەن 192 جۋرناليست پەن بەس باق ۇجىمى ماراپاتتالعان ەكەن.
بيىلعى بايقاۋدا 120 ۇمىتكەر باق سىنادى. ولاردىڭ ىشىندەگى ەڭ ۇزدىكتەردى ارنايى قۇرىلعان بايقاۋ كوميسسيا مۇشەلەرى تاڭدادى.
بۇل جولى كارانتيندىك شەكتەۋلەرگە بايلانىستى ادەتتەگىدەي سالتاناتتى ءىس-شارادان باس تارتۋعا تۋرا كەلدى. ونىڭ ورنىنا لاۋرەاتتاردى ماراپاتتاۋدىڭ تەلەنۇسقاسى Saryarqa وبلىستىق تەلەارناسىنىڭ ەفيرىنەن كورسەتىلدى.
وبلىس اكىمى جەڭىس قاسىمبەك بۇقارالىق اقپارات قۇرالدارىنىڭ قىزمەتكەرلەرى مەن جۋرناليستيكا ارداگەرلەرىن كاسىبي مەرەكەمەن قۇتتىقتاپ, قازىرگى قالىپتاسقان كۇردەلى جاعداي كەزەڭىندە ادامدارعا شىنايى اقپاراتتى جەتكىزۋگە جانە ۇرەيگە جول بەرمەۋگە كومەكتەسكەندەرى ءۇشىن العىس سەزىمىن جەتكىزدى.
بۇدان سوڭ ءوڭىر باسشىسى كونۆەرتتى اشىپ, "قاراعاندى جۋرناليستيكاسىن دامىتۋعا قوسقان ۇلەسى ءۇشىن" ارنايى سىيلىعىنىڭ يەگەرىن اتادى. بۇل ماراپاتقا بيىل شىعا باستاعانىنا 90 جىل تولعان اۋداندىق "قارقارالى" گازەتىنىڭ ۇجىمى يە بولدى.
وبلىس اكىمىنىڭ سىيلىعىنا قالعان 10 اتالىم بويىنشا مىنا جەڭىمپازدار يە بولدى:
باتىربەك مىرزابەكوۆ, ۇلىتاۋ اۋدانىنىڭ جۋرناليستيكا ارداگەرى, قازاقستاننىڭ قۇرمەتتى ءجۋرناليسى, قازاقستان جازۋشىلار وداعىنىڭ مۇشەسى – "ماماندىعىنا ادالدىعى ءۇشىن";
ءلاززات قوجاحمەتوۆا, "ايقىن" رەسپۋبليكالىق گازەتىنىڭ مەنشىكتى ءتىلشىسى – "بەلسەندى ومىرلىك ۇستانىمى ءۇشىن";
ولەگ بيتنەر, 101TV.KZ قوعامدىق ينتەرنەت-تەلەديدارىنىڭ وپەراتورى جانە فوتو ءتىلشىسى – "وبەكتيۆ شەبەرى";
سالتانات بالتاباي, "جاڭاارقا" اۋداندىق گازەتىنىڭ ءتىلشىسى – "اۋىل تاقىرىبىن ۇزدىك جاريالاۋ";
ماقپال ورىنبەتوۆا, "ديدار" تەلەارناسى ديرەكتورىنىڭ كەڭەسشىسى, باس پروديۋسەر – "الەۋمەتتىك تاقىرىپتى ۇزدىك جاريالاۋ";
بوتابەك تىلەگەنوۆ, Saryarqa وبلىستىق تەلەارناسىنىڭ رەداكتورى – ء"وندىرىس تاقىرىبىن ۇزدىك جاريالاۋ";
اننا ستروكوۆا, "Ekaraganda.kz" اقپاراتتىق اگەنتتىگىنىڭ ءتىلشىسى – "العاشقى تابىستارى ءۇشىن";
جاسلان يسا, ء"بىرىنشى قاراعاندى" تەلەارناسىنىڭ ديرەكتورى – "جىلدىڭ ۇزدىك شىعارماشىلىق جۇمىسى";
مارال اينەكوۆا, "Ortalyq Qazaqstan" وبلىستىق گازەتىنىڭ اعا ديزاينەر-بەت قاتتاۋشىسى – "مانەر مەن اتقارىمدىلىق ءۇشىن";
فارحات كەنجەتاەۆ, "يندۋستريالنايا كاراگاندا" وبلىستىق گازەتىنىڭ ءتىلشىسى – "ەڭبەك ادامى" تاقىرىبىن ۇزدىك جاريالاعىنى جانە ناسيحاتتاعانى ءۇشىن";
قاسىمحان عالىم, "Ortalyq Qazaqstan" وبلىستىق گازەتىنىڭ ءتىلشىسى – ء"دىن تاقىرىبىن ۇزدىك جاريالاعانى ءۇشىن".
جەڭىمپازدارعا اقشالاي سىيلىق جانە ديپلومدار مەن ەستەلىك مۇسىنشەلەر تابىس ەتىلدى.
قاراعاندىلىق باق وكىلدەرىن "Egemen Qazaqstan" رگ اق باسقارما توراعاسى دارحان قىدىرالى, پارلامەنت سەناتىنىڭ دەپۋتاتى نۇرتورە ءجۇسىپ, "استانا" تەلەارناسىنىڭ باس ديرەكتورى قۇرمانبەك جۇماعالي بەينە كورىنىس ارقىلى قۇتتىقتادى.
