وقيعا • 26 ماۋسىم، 2020

ءتىل جەڭىمپازدارى ماراپاتتالدى

34 رەت كورسەتىلدى

مادەنيەت جانە سپورت مينيسترلىگى "مەملەكەتتىك ءتىل جانە باق-2020" رەسپۋبليكالىق بايقاۋى جەڭىمپازدارىن ماراپاتتادى، دەپ جازادى Egemen.kz

بارلىق نارسەنى جاقسى ىرىمعا جوريتىن حالىقتىڭ ۇرپاعىمىز عوي، بيىلعى ءداستۇرلى دودانىڭ قورىتىندىلاۋ سالتاناتى قاسيەتتى جۇماعا سايكەس كەلگەنىنە ءىشىمىز جىلىپ قالدى. ونلاين-رەجيمىندە وتكەن شاراعا تىكەلەي قوسىلۋعا تىلەك بىلدىرگەندەردىڭ سانى كوپ بولدى. بارىنەن كوتەرىڭكى كوڭىل كۇي ەسىپ تۇردى.  

مادەنيەت جانە سپورت ءمينيسترى اقتوتى رايىمقۇلوۆانىڭ: "مەملەكەتتىڭ جان-جاقتى دامۋىنا، ەلدىڭ بىرلىگىنە بۇقارالىق اقپارات قۇرالدارىنىڭ قوسار ۇلەسى زور. ءبىزدىڭ ورتاق ماق­ساتىمىز – ءبىر-ءبىرىمىزدى قولداۋ، بىرگە ارەكەت ەتۋ، ەلدىڭ، ەكونوميكانىڭ دامۋى، الەۋ­مەتتىك سالانىڭ گۇل­دەنۋى، ءومىر­دىڭ تىنىشتىعى. سىزدەر، جۋرناليستەر قاۋىمى، التىن كوپىر بولىپ كەلەسىزدەر"، دەپ باستالعان اقجولتاي قۇتتىقتاۋى قولىنا قالام مەن ميكروفون ۇستاعان قاۋىمدى قاناتتاندىرىپ جىبەردى.  

الەمگە جايىلعان جاعداي ۇمىتكەرلەردىڭ شالقار شابىتىنا توسقاۋىل بولا المادى. ورتالىقتىڭ باس ديرەكتورى الىبەك اسقاردىڭ ايتۋىنشا، "بيىلعى كونكۋرسىمىزعا ەشنارسە كولەڭكە تۇسىرە العان جوق، ەلىمىزدىڭ تۇكپىر-تۇكپىرىندەگى اقپارات كەڭىستىگىندەگى "مىلتىقسىز مايداننىڭ جاۋىنگەرلەرى" ءوز باعىن سىناۋ ءۇشىن شىرقاۋ كوڭىلمەن، قۇلشىنىسپەن قاتىستى. تۇسكەن تۋىندىلاردىڭ ىشىندە "وسى قالايى" جوق، قازاق جۋرناليستيكاسىنداعى تىڭ ىزدەنىستەردىڭ ءىزى بار".

ەلىمىزدىڭ تۇكپىر-تۇكپىرىندەگى 56 ءجۋرناليستىڭ 2019 جىلعى 11 ماۋسىم مەن 2020 جىلعى 3 ماۋسىم ارالىعىندا جاريالانعان 116 ماتەريال تالقىعا ءتۇستى.

اتالىمدار بويىنشا جىكتەسەك:

  1. "ۇزدىك ماقالا" بويىنشا قاتىسۋشىلار سانى – 24، ماتەريالدار سانى – 49;
  2. "ۇزدىك سايت ماقالاسى" بويىنشا قاتىسۋشىلار سانى – 12، ماتەريالدار سانى – 25;
  3. "ۇزدىك راديوباعدارلاما" بويىنشا قاتىسۋشىلار سانى – 11، ماتەريالدار سانى – 23;
  4. "ۇزدىك تەلەباعدارلاما" بويىنشا قاتىسۋشىلار سانى – 9، ماتەريالدار سانى – 19.

باس جۇلدە – 1 ملن تەڭگە;

1 ورىن ء(تورت اتالىم بويىنشا) ارقايسىسىنا 500 مىڭ تەڭگە;

ءىى ءورىن(تورت اتالىم بويىنشا) ارقايسىسىنا 350 مىڭ تەڭگە;

ءىىى ورىن ء(تورت اتالىم بويىنشا) ارقايسىسىنا 150 مىڭ تەڭگە;

 

"ۇزدىك ماقالا" نوميناتسياسى بويىنشا:

ءسىمادىل قاراگوز سەرىكقىزى، "انا ءتىلى" گازەتى، ءىىى ورىن، 150 000 تگ.

بەكتاسوۆا گۇلزينا تۇرعانبايقىزى، "ايقىن" رەسپۋبليكالىق قوعامدىق-ساياسي گازەتى، ءىى ورىن، 350 000 تگ.

پازىلوۆ ورىنبەك وتەمۇرات ۇلى، "ەگەمەن قازاقستان"، ءى ورىن، 500 000 تگ.

"ۇزدىك سايت ماقالاسى" نوميناتسياسى بويىنشا:

ءابدۋالي ايان بەكجان ۇلى، "Elorda Aqparat"، ءىىى ورىن، 150 000 تگ.

ءورىباي ايان بەكەن ۇلى، "قازاقپارات" حالىقارالىق اقپارات اگەنتتىگى، ءىى ورىن، 350 000 تگ.

ەرمۇحامەد  ماۋلەن، "الادوپ.كز" سايتى، ءى ورىن، 500 000 تگ.

"ۇزدىك راديوباعدارلاما" نوميناتسياسى بويىنشا:

نۇرمات مانسۇر، "شالقار" راديوسى، ءىىى ورىن، 150 000 تگ.

شامشەيىتوۆا اينۇر اسىلحانقىزى، "قازاق راديولارى" جشس، ءىى ورىن، 350 000 تگ.

گۇلنۇر ومارحانقىزى، "شالقار" راديوسى، ءى ورىن، 500 000 تگ.

"ۇزدىك تەلەباعدارلاما" نوميناتسياسى بويىنشا:     

قالدىباەۆا گۇلنۇر عازيزقىزى، "قازاقستان" رترك" اق ماڭعىستاۋ وبلىستىق فيليالى، ءىىى ورىن، 150 000 تگ.

كاشكينباەۆا جانار تويشانوۆنا، "اكتسەنت" ليساكوۆ تەلەارناسى" جشس، ءىى ورىن، 350 000 تگ.

قۇتتىبەكوۆ ايبەك قۇتتىبەك ۇلى، "جەتىسۋ" تەلەارناسى، ءى ورىن، 500 000 تگ.

 باس جۇلدە – تولەباەۆ ءداۋىرجان جۇماجان ۇلى، "انا ءتىلى" گازەتى اتىنان، 1 000 000 تگ.

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار